მთა შავნაბადაზე ხანძრის ლოკალიზება ამ დრომდე ვერ ხერხდება. ხულოს გამგებლის მოადგილის, თამაზ აბაშიძის ინფორმაციით, მთა შავნაბადაზე ხანძრის სალიკვიდაციო სამუშაოები დილიდან განახლდა, სამუშაოებში მეხანძრე-მაშველებთან ერთად ადგილობრივი მოსახლეობაც ჩაერთო.
„ხანძარი მიუვალ ადგილზეა, შესაბამისად ტექნიკა ვერ მიდის ხანძრის კერამდე და მეხანძრე-მაშველებს ცოცხალი ძალით უწევს ხანძრის ლიკვიდაცია. დილიდან, მთა შავნაბადაზე გამგეობის თანამშრომლებიც წავიდნენ, ამ დროისთვის ზუსტი ინფორმაცია არ მაქვს რა ფართობი დაიწვა“ – ამბობს თამაზ აბულაძე.
ცეცხლი ხულოს მუნიციპალიტეტში, სოფელ მეკეიძეებთან 25 კილომეტრით დაშორებულ მთა – შავნაბადაზე გუშინ გაჩნდა. ხანძრის ჩასაქრობად ადგილზე ბათუმის, ხულოს, შუახევისა და ქედის სახანძრო-სამაშველო ჯგუფი მუშაობს.