ბათუმში ორი ახალგაზრდა გარდაცვლილი იპოვეს


შს სამინისტროს ინფორმაციით, ბათუმში, ხიმშიაშვილის ქუჩაზე, ორი ადამიანი გარდაცვლილი იპოვეს. გამოძიება სისხლის სამართლის კოდექსის  115-ე  მუხლით მიმდინარეობს, რაც თვითმკვლელობამდე მიყვანას გულისხმობს.

სასწრაფო სამსახურის ინფორმაციით, გამოძახება ხიმშიაშვილის ქუჩის 17 ნომრიდან დაახლოებით ერთი საათის წინ მიიღეს, „მისვლის დროს ადგილზე დაგვხვდა პოლიცია. გარდაცვლილები დაახლოებით 17-18 წლის ახალგაზრდა კაცები არიან.  სავარაუდოდ რამდენიმე დღის გარდაცვლილები უნდა იყვნენ, “ – უთხრეს „ბათუმელებს“ სასწრაფო დახმარების სამსახურში.

სასწრაფოს ინფორმაციით, გარდაცვლილი ახალგაზრდები ადგილობრივები არ არიან, თუმცა არიან საქართველოს მოქალაქეები.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com