სასწრაფო დახმარების სამსახურის ინფორმაციით, გუშინ, 5 ივლისს, ბათუმში, 26 მაისის ქუჩაზე, კერძო სახლის მეორე სართულიდან ორწლინახევრის ბავშვი გადმოვარდა.
როგორც სასწრაფო დახმარების სამსახურში გვითხრეს, ბავშვს ქვემო კიდური აქვს მოტეხილი, თუმცა მისი მდგომარეობა სტაბილურია.
დაზიანებული ბავშვი ბათუმში, ბავშვთა საავადმყოფოშია გადაყვანილი. შს სამინისტროს ინფორმაციით, გამოძიება დაწყებულია სსკ-ის 124-ე მუხლით, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით.
