ხულოს მუნიციპალიტეტის გამგეობა, წელს პირველად, ვეტერანებსა და მათთან გათანაბრებულ პირებს, 10 კილოგრამ თხევად აირს ერთჯერადად უფასოდ მიაწვდის.
ხულოს გამგეობის ჯანდაცვის სამსახურის უფროსის, რამაზ შავაძის ინფორმაციით, ბენეფიციარებს თხევადი აირის ტალონი გადაეცემა, რომლის გამოყენება ერთი თვის განმავლობაში შეეძლებათ. ხულოში სულ 250 ვეტერანი და მასთან გათანაბრებული პირი ცხოვრობს.
„გამომდინარე იქედან რომ ამ ოჯახებს უჭირს, გადავწყვიტეთ პროგრამა შეგვემუშავებინა და მცირედით მაინც დავხმარებოდით,“ – ამბობს რამაზ შავაძე
ვეტერანების თხევადი აირით უზრუნველყოფას ხულოს გამგეობა შესაბამისი პროგრამის ფარგლებში ახორციელებს.
ვეტერანებისთვის თხევადი აირის მიწოდების პროგრამის განსახორციელებლად 6 250 ლარია გამოყოფილი. ხულოს გამგეობამ აირის შესასყიდად ტენდერი გუშინ, 16 მაისს გამოაცხადა.
