მთავარი,სიახლეები

შეტევა ხარკოვსა და ოდესაზე – არიან დაღუპულები და დაშავებულები

17.01.2024 • 1061
შეტევა ხარკოვსა და ოდესაზე – არიან დაღუპულები და დაშავებულები

16 იანვრის ღამეს რუსეთმა უკრაინაში, ხარკოვის ოლქზე სარაკეტო დარტყმა განახორციელა. უკრაინის ხელისუფლების ცნობით, 2 რაკეტა, С-300 რუსეთის ქალაქ ბელგოროდიდან იქნა გასროლილი.

დაბომბვის შედეგად ერთი მშვიდობიანი მოქალაქე დაიღუპა, დაშავდა 17 მშვიდობიანი მოქალაქე. ერთ-ერთი დაჭრილი 90 წლისაა. ბოლო ცნობების თანახმად 2 დაშავებულის მდგომარეობა მძიმეა.

სარაკეტო შეტევის შედეგად დაზიანებულია 20-მდე საცხოვრებელი კორპუსი და სამედიცინო ცენტრის შენობა.

ასევე, უკრაინული მხარის ცნობით, რუსეთი დრონებით დაესხა თავს ოდესას, სადაც დაზიანებულია კორპუსი. ვრცელდება ცნობები სამი დაშავებულის შესახებ.

უკრაინული მედიის ცნობით, რუსეთის შეტევის შედეგად ასობით კორპუსი ხარკოვსა და ოდესაში გათბობისა და დენის გარეშე დარჩა.

__________

ფოტო: EPA-EFE/YAKIV LIASHENKO

გადაბეჭდვის წესი


ასევე: