ბათუმის აქციის საქმეზე „ერთიანი ნაციონალური მოძრაობის“ წევრები: გია აბულაძე, რეზო ხარაზი, გიორგი კირთაძე და ელგუჯა ბაგრატიონი დაკითხეს. მოწმის სახით თითოეულმა მათგანმა ჩვენება გამოძიებას აჭარის პოლიციის დეპარტამენტის შენობაში მისცა.
„ცალ-ცალკე დაგვკითხეს და ჩვენების მიცემა დაახლოებით სამ საათს გაგრძელდა. ჩვენ აქამდეც მოვითხოვდით დაკითხვას. პროცედურები დაცული იყო, ჩვენ ადვოკატი არ გვყოლია,“ – უთხრა „ბათუმელებს“ გია აბულაძემ, „ნაციონალური მოძრაობის“ აჭარის ორგანიზაციის პოლიტსაბჭოს თავმჯდომარემ. მისი თქმით, „ქართული ოცნების“ დეპუტატებს ჩვენების მისაცემად კაბინეტში მიაკითხეს, რაც მიუღებელი ფორმაა.
11-12 მარტის აქციის საქმეზე პროკურატურამ სისხლის სამართლის წესით 21 პირი დააკავა, მათ შორის, მერაბ ღოღობერიძე და ირაკლი ჩხვირკია მასობრივი არეულობის ორგანიზების ბრალდებით. დაკავებულების წინასასამართლო სხდომა 8 მაისს გაიმართება.
ამავე თემაზე:
