Batumelebi | ეკო-კონფერენცია ბათუმში ეკო-კონფერენცია ბათუმში – Batumelebi
RU | GE  

ეკო-კონფერენცია ბათუმში

 

აჭარის მთავრობის პრესსამსახურის ინფორმაციით, პან-ევროპული სტრატეგიის ფარგლებში ბათუმში იმართება კონფერენცია ბიოლოგიური და ლანდშაფტური მრავალფეროვნების შესახებ. ღონისძიებას ევროპის ქვეყნების და საერთაშორისო ორგანიზაციებაში 120-ზე მეტი წარმომადგენელიმონაწილეობს.



კონფერენციაზე, განხილული იქნება, საქართველოში არსებული ბიომრავალფეროვნების პრობლემები, ასევე საუბარი იქნება ეკო-სისტემაზე.

აჭარის მთავრობის ხელმძღვანელის შეფასებით, „ანალოგიურ კონფერენციებს ძალიან დიდი მნიშვნელობა აქვს ჩვენი რეგიონისთვის და სრულიად საქართველოსთვის. ჩვენთვის მნიშვნელოვანია მოვიზიდოთ ტურისტები სხვადასხვა ქვეყნიდან და მკვლევარები მსგავსი სამეცნიერო კონფერენციების მოსაწყობად.“


აჭარის მთავრობის თავმჯდომარე არჩილ ხაბაძე ბათუმში გამართულ საერთაშორისო კონფერენციას ”ბიომრავალფეროვნება ევროპაში” დაესწრო.
კონფერენცია საქართველოს გარემოს დაცვის მინისტრმა ხათუნა გოგალაძემ, აჭარის არჩილ ხაბაძემ, გაეროს გარემოსდაცვითი პროგრამის ევროპის ოფისის დირექტორმა იან დუსიკიმ და შვეიცარიის ელჩმა საქართველოში გიუნტერ ბეხლერმა გახსნეს.

 

ღონისძიება საქართველოს გარემოს დაცვის სამინისტროსა და გაეროს გარემოსდაცვითი პროგრამის (UNEP) ორგანიზებით იმართება.

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი