Batumelebi | ბათუმის მერია: ქალაქში თოვლს პრობლემები არ შეუქმნია ბათუმის მერია: ქალაქში თოვლს პრობლემები არ შეუქმნია – Batumelebi
RU | GE  

ბათუმის მერია: ქალაქში თოვლს პრობლემები არ შეუქმნია

ბათუმის მერიის განცხადებით, ბათუმში თოვლს პრობლემები არ შეუქმნია, მერიის შესაბამისი სტრუქტურული ერთეულები კი 24- საათიან რეჟიმში მუშაობენ.

„თოვლის საფარისგან გზების გაწმენდითი ღონისძიებები მთელი ღამის განმავლობაში ხორციელდებოდა. ამჟამად მიმდინარეობს ტროტუარების გაწმენდა. ასევე ხორციელდება დათოვლილი მცენარეების ჩამოფერთხვის ღონისძიებები. ხეების ჩამოფერთხვა, საჭიროებისამებრ, მთელი დღის განმავლობაში გაგრძელდება. ამ დროისთვის გაწმენდილია ზღვაში შემავალი ყველა სანიაღვრე არხი. გაწმენდილია სანიაღვრე ცხაურების ზედაპირებიც. შეუფერხებლად გადაადგილდება მუნიციპალური ტრანსპორტი,“ – აღნიშნულია მერიის მიერ გავრცელებულ განცხადებაში.

ბათუმში გუშინ საღამოს გათოვდა. ქალაქში ამ წუთებშიც თოვს. თოვლის საფარი 5-10 სმ-ს აღწევს.

ამავე თემაზე:

როგორ ემზადება მერია ზამთრისთვის

 

ბათუმი, 15.12.2016

ბათუმი, 15.12.2016

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com