„ტავ ჯორჯიას“ ინფორმაციით, 2026 წლის 25 ივნისიდან, თბილისისა და ბათუმის საერთაშორისო აეროპორტებს შორის რეგულარული ფრენები იწყება.
აღნიშნული მიმართულებით რეისებს კვირაში ოთხჯერ, ავიაკომპანია „ჯორჯიან ეარვეისი“ შეასრულებს.
„ზაფხულის სანავიგაციო სეზონის განმავლობაში, თბილისი-ბათუმი-თბილისის საჰაერო ხაზზე ფრენები ყოველ სამშაბათს, ხუთშაბათს, შაბათსა და კვირას, Boeing 737 ტიპის ხომალდით შესრულდება.
თბილისის საერთაშორისო აეროპორტიდან აღნიშნულ დღეებში რეისები 09:00-ზე განხორციელდება, ბათუმიდან კი 19:30-ზე. ფრენის ხანგრძლივობა 45 წუთს შეადგენს,“ – აცხადებენ „ტავ ჯორჯიაში“.
„ჯორჯიან ეარვეისის“ ოფიციალურ ვებგვერდზე განახლებული ინფორმაციით თბილისი-ბათუმის რეისზე ბილეთის ფასი ერთი მიმართულებით 108 ევროდან [დაახლოებით 331 ლარიდან] იწყება. [შენიშვნა: განახლებამდე ამავე ვებგვერდზე ფასი 132 ევრო-დან იყო მითითებული]
„ჯორჯიან ეარვეისის“ ვებგვერდიდან
