სიახლეები

ხარკოვში 2 თვის ბავშვი დაიღუპა რუსეთის აგრესიის შედეგად

06.02.2024 • 3311
ხარკოვში 2 თვის ბავშვი დაიღუპა რუსეთის აგრესიის შედეგად

უკრაინული მედიის ცნობით, მაშველებმა უკრაინაში, ხარკოვის ოლქის სოფელ ზოლოჩოვში მდებარე სასტუმროს ნანგრევებიდან 2 თვის ბავშვის ცხედარი ამოიღეს.

ჩვილი რუსეთის სარაკეტო შეტევის შედეგად დაიღუპა. სოფელს რუსულმა ძალებმა წუხელ ორი S-300 რაკეტით შეუტიეს.

„მორიგი ტერორი მშვიდობიანი მოსახლეობის წინააღმდეგ. სამსართულიანი სასტუმროს ნანგრევებიდან მაშველებმა 2 თვის ბიჭის ცხედარი ამოიღეს, რომელიც 2023 წლის 4 დეკემბერს დაიბადა. სამი ქალი, 21, 28 და 39 წლის, აფეთქების შედეგად მიღებული დაზიანებებითა და ჭრილობებით გადაიყვანეს საავადმყოფოში, მათ შორისაა დაღუპული ბავშვის დედა“ – წერს ტელეგრამზე ოლეგ სინეგუბოვი, სამხედრო ადმინისტრაციის უფროსი.

ბოლო 24 საათის განმავლობაში რუსული აგრესიის შედეგად უკრაინაში სულ მცირე 7 მშვიდობიანი მოქალაქე დაიღუპა და 13 დაშავდა.

 

 

გადაბეჭდვის წესი


ასევე: