Batumelebi | „რესპუბლიკელების“ ბათუმის ორგანიზაციის ხელმძღვანელი გადადგა „რესპუბლიკელების“ ბათუმის ორგანიზაციის ხელმძღვანელი გადადგა – Batumelebi
RU | GE  

„რესპუბლიკელების“ ბათუმის ორგანიზაციის ხელმძღვანელი გადადგა

„რესპუბლიკელების“ ბათუმის ორგანიზაციის თავმჯდომარე ზაურ ახლვლედიანი თანამდებობიდან გადადგა. მისივე თქმით, პარტია უახლოეს მომავალში საერთო კრებაზე ახალ თავმჯდომარეს აირჩევს.

პარტიის ბათუმის ორგანიზაციის ხელმძღვანელის თანამდებობის დატოვება ზაურ ახვლედიანმა მოუცლელობით ახსნა: „დრო არ მქონდა, რომ პარტიისთვის უფრო მეტი მემუშავა. გარდა ამისა, იყო რიგი საკითხები, რაც სხვაგვარად უნდა წასულიყო და არ წავიდა.“

ზაურ ახვლედიანის თქმით, ის ჯერჯერობით პარტიის დატოვებას არ გეგმავს: „ველოდები სიახლეებს, თუ ეს სიახლეები არ იქნება, შეიძლება წავიდე.“

კითხვაზე, ამ სიახლეების არარსებობას პარტიაში სხვას ხომ არ აბრალებთ, როცა თქვენ იყავით პარტიის თავმჯდომარე? – ზაურ ახვლედიანმა უპასუხა: „დიახ, საკუთარ წვლილსაც ვხედავ და სხვას არ ვაბრალებ.“

8 ოქტომბრის არჩევნების პირველი ტურის დასრულების შემდეგ ზაურ ახვლედიანმა „ბათუმელებთან“ ოფიციალურად განაცხადა, რომ პარტიის წარმომადგენლებმა საუბნო-საარჩევნო კომისიებში არათუ პარტიის ინტერესები არ დაიცვეს, არამედ მათ პარტიისთვის ხმაც კი არ მიუციათ.

ზაურ ახვლედიანი ბათუმის საკრებულოს წევრი და აჭარის კულტურული მემკვიდრეობის დაცვის სააგენტოში ძეგლებზე ნებართვების გაცემისა და მონიტორინგის განყოფილების უფროსია.

ნეტგაზეთის მასალების სხვა გამოცემებში გადაბეჭდვის წესი
ავტორი