ქობულეთის მუნიციპალიტეტში, სოფელ დაგვაში, ხანძრის შედეგად 1 ადამიანი დაიღუპა.
დაღუპული კაცი სახლში მარტო იყო.
აპირებს თუ არა მერია, კომპენსაცია გადაუხადოს დაღუპული პირის ოჯახს, – ვკითხეთ მერის წარმომადგენელს სოფელ დაგვაში. ასლან მადოიშვილი „ბათუმელებს“ ეუბნება, რომ ხანძრის შედეგად დაღუპულ კაცს, ერთი შვილი ჰყავს, რომელიც საბერძნეთში ცხოვრობს და საქართველოს მოქალაქე არ არის.
„სახლი კი რეგისტრირებული არ ჰქონდა“- ამბობს ასლან მადოიშვილი.
შსს-ს ინფორმაციით, გამოძიება დაწყებულია სსკ-ის 187-ე მუხლით.
შემთხვევა გუშინ, გვიან ღამით მოხდა.
