განათლების სამინისტროს ინფორმაციით, ზამთრის არდადეგები სკოლებში 30 დეკემბერს დაიწყება და 14 იანვრის ჩათვლით გაგრძელდება.
მათივე ინფორმაციით, ახალი, 2026 სასწავლო წელი სკოლებში 15 იანვარს განახლდება.
მომავალი წლიდან, როგორც „ქართული ოცნების“ ხელისუფლება აცხადებს, განათლების სფეროში რეფორმა დაიწყება, რომელიც საჯარო სკოლების 11-წლიან სწავლებაზე გადასვლას გულისხმობს.
მე-12 კლასი სავარაუდოდ შენარჩუნდება კერძო სკოლებში, საჯარო სკოლების შემთხვევაში კი, მხოლოდ ცალკეულ ქალაქებში იქნება შესაძლებლობა, ე.წ სპეცკლასების გახსნის. თუმცა განათლების სამინისტროს ამ საკითხზე, ბევრი კრიტიკული კითხვის არსებობის მიუხედავად, უფრო ნათელი და ამომწურავი განმარტება ამ დრომდე არ გაუკეთებია.
სპეციალისტების განცხადებით, „ქართული ოცნების“ სასკოლო რეფორმა არ არის მორგებული არც მოსწავლის და არც მასწავლებლის ინტერესებზე, რადგან მათი აზრით, სასწავლო წლის შემცირებამდე სამინისტროს სკოლების მშენებლობაზე, სასკოლო ინფრასტრუტურის გამართვასა და მასწავლებლების შრომითი პირობების გაუმჯობესებაზე უნდა ეფიქრა.
____________________
ამ თემაზე:
სიმონ ჯანაშია „ოცნების“ სასკოლო რეფორმაზე – „ძალიან დიდ ქაოსს გამოიწვევს“
