ფრანგული სამხედრო ხომალდი ბათუმში


17 ოქტომბერს  18:00 საათზე, ბათუმის პორტში, საფრანგეთის ეროვნული სამხედრო ფლოტის ხომალდი „პრემიე მეტრ ლ’ ერის“  შემოსვლის საზეიმო ღონისძიება გაიმართება. ფრანგულ სამხედრო გემზე ოფიციალურ მიღებას აჭარის მთავრობის თავმჯდომარე,  ქალაქის მერი და სხვა ოფიციალური პირები დაეწსრებიან.

მთავრობის ინფორმაციით, დღეს საფრანგეთის ელჩი, საქართველოს თავდაცვის სამინისტროს  საჩხერის სამთო მომზადების სკოლისათვის შეძენილი აღჭურვილობის ნაწილს გადასცემს.

ოთხშაბათს, 19 ოქტომბერს, „პრემიე მეტრ ლ’ერის“ ეკიპაჟის წევრები ეწვევიან ბათუმის მეორე საჯარო სკოლასა და ბათუმის სახელმწიფო უნივერსიტეტს. ხომალდის დათვალიერების მსურველებისთვის გემი ღია იქნება ოთხშაბათს, 19 ოქტომბერს 16:30-დან 18:00სთ-მდე.

„ფრანგი მეზღვაურები და საქართველოს სანაპირო დაცვის დეპარტამენტის თანამშრომლები, ისარგებლებენ შემთხვევით და ერთობლივ წვრთნებს ჩაატარებენ. წვრთნები ყვინთვაში გაიმართება სამშაბათს, 18 ოქტომბერს, 09:00-დან 11:00 სთ-მდე, ხოლო აბორდაჟის ოპერაცია ოთხშაბათს, 19 ოქტომბერს, 09:00-დან 11:00 სთ-მდე და ხუთშაბათს, 20 ოქტომბერს“.

სამხედრო ხომალდი „პრემიე მეტრ ლ’ერი“ ბათუმის პორტს  ხუთშაბათს 20 ოქტომბერს დატოვებს.

ფრანგული სამხედრო ხომალდი „პრემიე მეტრ ლ’ერი“ს ოფიციალური დახვედრის ცერემონია ბათუმში

ფრანგული სამხედრო ხომალდი „პრემიე მეტრ ლ’ერი“ს ოფიციალური დახვედრის ცერემონია ბათუმში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com