რუსეთში, სარატოვის ოლქში, ენგელსის სამხედრო აეროდრომზე დრონების თავდასხმის შედეგად ხანძარი გაჩნდა.
ინფორმაციას რუსული მედია ავრცელებს.
რუსული არხები ტელეგრამზე წერენ, რომ მიმდებარე ტერიტორიიდან მოსახლეობის ევაკუაცია დაიწყეს.
ენგელსი რუსეთის შორსმოქმედი ავიაციის მთავარი ბაზაა. „ენგელს-2“ სამხედრო აეროდრომზე განლაგებულია რუსეთის 22-ე მძიმე ბომბდამშენი საჰაერო დივიზიის Ту-95МС და Ту-160 თვითმფრინავები, რომლებიც გამოიყენება უკრაინაზე თავდასხმისთვის.
უკრაინული დრონების სამიზნე რუსეთის საჰაერო ბაზა ქალაქ ენგელსში არაერთხელ გახდა.
