თურქეთში, ანტალიაში, ორი რუსული არალეგალური სკოლა აღმოაჩინეს – ამის შესახებ თურქული გამოცემა „ჰურიეთი“ წერს.
გამოცემის ცნობით, თურქეთის განათლების სისტემამ გამოძიება დაიწყო იმ სკოლებთან დაკავშირებით, რომლებიც სათანადო რეგისტრაციისა და ნებართვის გარეშე მუშაობდნენ.
ორივე სკოლა მუშაობდა საჭირო ნებართვის გარეშე, რუსული სასწავლო გეგმით, I-VIII კლასები.
„ჰურიეთი“ წერს, რომ 2022 წელს რუსეთის უკრაინაზე თავდასხმის შემდეგ, ანტალიაში გაიზარდა ემიგრაცია რუსეთიდან და უკრაინიდან, რაც აისახა სხვადასხვა სექტორზე, მათ შორის უძრავი ქონების ფასებზე, კვების მომსახურებასა და განათლების სისტემაზეც.
რუსული სკოლები უკანონოდ ფუნქციონირებს საქართველოშიც. „ბათუმელებმა“ ამ თემაზე რამდენიმე სტატია გამოაქვეყნა.
ამავე თემაზე:
რუსული სკოლა ბათუმში, სადაც რუსეთში შემუშავებული სახელმძღვანელოებით ასწავლიან
_____________
ფოტო: hurriyetdailynews.com
