ბათუმი,მთავარი,მთიანი აჭარა,სიახლეები

ბათუმში პარკირების 45 845 დარღვევა დააფიქსირეს – 11 თვის მონაცემები

29.11.2023 • 1299
ბათუმში პარკირების 45 845 დარღვევა დააფიქსირეს – 11 თვის მონაცემები

ბათუმის მუნიციპალურმა ინსპექციამ პარკირების ზედამხედველობის განყოფილების მუშაობის 11 თვე შეაჯამა და ამ განყოფილების მიერ გამოვლენილ სამართალდარღვევათა სტატისტიკა გამოაქვეყნა.

ინსპექციის ინფორმაციით, 2023 წლის იანვრიდან დღემდე პერიოდში ბათუმში პარკირების 45 845 დარღვევა დააფიქსირეს.

აქედან აბსოლუტური უმრავლესობა, თითქმის 67 პროცენტი, პარკირების საფასურის გადახდის გარეშე დგომაა – 30 639 დარღვევა.

ეს მაშინ, როცა წელს, 5 თვის განმავლობაში [თებერვლიდან ივლისამდე] ბათუმში პარკირების გადახდა შეუძლებელი იყო და არც მძღოლებს აჯარიმებდნენ [მიზეზად მერიის შესაბამისი სამსახურები სერვერის დაზიანებას ასახელებდნენ].

პარკირების საფასურის გადახდის გარეშე დგომის გარდა, მუნიციპალური ინსპექციის მონაცემებით, 2023 წლის 11 თვეში ბათუმში დაფიქსირებულია ასევე:

  • ტროტუარზე დგომა – 6 045 ფაქტი
  • დგომა-გაჩერებისა და სხვა ნიშნების დარღვევა – 4 390
  • ავტობუსის გაჩერებაზე დგომა – 2 217
  • პარკირების წესების სხვა დარღვევა – 1 601
  • ველობილიკზე არასწორი პარკირება – 711
  • შშმ პირის ტრანსპორტისთვის განსაზღვრულ ადგილზე დგომა – 242
  • ევაკუირებულია – 1 238

პარკირება ბათუმში [ფოტოები გადაღებულია ნოემბერში

ფოტო: „ბათუმელები“

ფოტო: „ბათუმელები“

ფოტო: „ბათუმელები“

ფოტო: „ბათუმელები“

ერთი მხრივ, მერია აღიარებს ქალაქში პარკირების ადგილების ნაკლებობას, როგორც გამოწვევას, მეორე მხრივ კი, საზოგადოების პროტესტის მიუხედავად საკრებულოსთან ერთად ამტკიცებს სამშენებლო პროექტებს, რომლებიც პარკინგების ადგილების მოწყობას, ბინების რაოდენობის პროპორციულად, არ ითვალისწინებს.

ბათუმში პარკირების პრობლემაზე სტატია ნახეთ ამ ბმულზე:

„მაპოვნინე აბა სხვა ადგილი“ – მძღოლი, რომელმაც მანქანა ზებრაზე გააჩერა

გადაბეჭდვის წესი


ასევე: