როგორ მოვუაროთ გარუჯულ კანს – ინტერვიუ ექიმ-კოსმეტოლოგთან

ზაფხულში მზის ულტრაიისფერი სხივების ქვეშ ჯანსაღი რუჯის მიღებას სპეციალური პირობების დაცვა სჭირდება. შემდეგ არანაკლები გამოწვევაა  ხორბლისფერი კანის შენარჩუნება.

ჯანსაღი რუჯის მიღებისა და გარუჯული კანის მოვლის წესებზე „ბათუმელები“ ექიმ-კოსმეტოლოგ ბაია კონდრატიევას ესაუბრა. მისი რჩევები დაგეხმარებათ, უფრო დიდხანს შეინარჩუნოთ მბზინვარე რუჯი და მასთან ერთად ზაფხულისა და უზრუნველი დასვენების შეგრძნება.

• ბაია, უამრავი ადამიანი ჯერ კიდევ ატარებს შუადღეს მზის გულზე. რა დროს არის რეკომენდებული რუჯის მიღება და რა უნდა გავაკეთოთ, რომ ეს რუჯი ჯანსაღი იყოს?

ძალიან მნიშვნელოვანია სწორი დრო შევარჩიოთ რუჯის მისაღებად. ასევე, მზეზე  ჩვენი ყოფნის დრო დღის განმავლობაში არ უნდა აღემატებოდეს 30-40 წუთს და აუცილებელია მზისგან დამცავი კრემ-საცხების გამოყენება ნებისმიერ დროს, თუნდაც ღრუბლიან ამინდში, ეს არის უმნიშვნელოვანესი.  მზეზე დილით 10 საათამდე უნდა გავჩერდეთ, ხოლო საღამოს –  5 საათის შემდეგ.

2 საათში ერთხელ უნდა გამოვიყენოთ კრემ-საცხები, ხოლო თუ წყლიდან ამოვედით და ჩამოგვშორდა, ამოსვლისთანავე უნდა წავისვათ. ეს უფრო იქნება ლამაზი რუჯის გარანტია, ვიდრე  პოსტფაქტუმ ვიჯავროთ იმაზე, როგორ არ აგვექერცლოს კანი.

• რამდენ ხანში იწყებს ბუნებრივი რუჯი გაუფერულებას?

კანის ბუნებრივი ფერის აღდგენის პროცესი დამოკიდებულია იმაზე, თუ რა ინტენსივობით მოხდა ინსოლაცია, ანუ რამდენი ხნის განმავლობაში ვირუჯებოდით. რაც უფრო დიდი ხანი ვიყავით მზეზე, მით უფრო ხანგრძლივი იქნება რუჯი. ეს პროცესი ერთი თვიდან სამ, ოთხ და მეტ თვემდეც გრძელდება ხოლმე, 

• ცნობილია, რომ კანის ჯანმრთელობის შენარჩუნების ერთ-ერთი ძირითადი წინაპირობა კანის დატენიანებაა, რამდენად მნიშვნელოვანია კანის ტენიანობის შენარჩუნება ამ დროს?

კანის ტენიანობის შენარჩუნება არის უმნიშვნელოვანესი წინაპირობა იმისთვის, რომ ჯანსაღი კანი გვქონდეს. რეალურად, კანის ელასტიკურობა და სიჯანსაღე მის ტენიანობაზე არის დამოკიდებული. ამიტომ, მნიშვნელოვანია კანის დამატენიანებელი საშუალებების გამოყენება ტენის შესანარჩუნებლად.

• ამ საშუალებების გამოყენების პარალელურად საჭიროა თუ არა გარკვეული რაოდენობის სითხის მიღება? 

კანი ტენიანობას ინარჩუნებს  როგორც დამატენიანებელი კრემ-საცხების გამოყენებით, ასევე საკმარისი წყლის რაოდენობის მიღებით. წყალთან ერთად აუცილებელია ვიტამინებით მდიდარი საკვების გამოყენება და ფიზიკური აქტივობა, რაც კანის ელასტიკურობასა და ტენს გვინარჩუნებს.

• რა იწვევს რუჯის გადასვლას და როგორია რეკომენდაციები ამ დროს? 

ზოგადად, რუჯი კანისთვის ერთგვარი სტრესია. თუ დიდ ხანს გავატარებთ მზის გულზე, დაიწყება კანის აქერცვლის პროცესი, მკვდარ უჯრედებს იშორებს კანი და ამ დროს უფრო დიდი ინტენსივობით მიმდინარეობს ფერის გადასვლის პროცესი. 

სწორედ ამიტომ, თავიდანვე უნდა გავითვალისწინოთ, თუ რა დროს სჯობს რუჯის მიღება. როგორც უკვე გითხარით, მზეზე დილით 10 საათამდე უნდა გავჩერდეთ, ხოლო საღამოს –  5 საათის შემდეგ. ადრე ვამბობდით ხოლმე, რომ 11 საათამდე შეიძლება, თუმცა ამჟამად მაგ დროს უკვე აქტიური მზე არის.

ასევე, აუცილებელია მკვდარი უჯრედები მოვაშოროთ კანს, რათა განახლდეს  და შემდეგ დამატენიანებლებით შევუწყოთ ხელი.

• რა იწვევს და როგორ ავირიდოთ თავიდან რუჯის ეტაპობრივად გადასვლის პერიოდში კანის აჭრელება?

როგორც უკვე აღვნიშნე, ჭარბი ინსოლაცია კანისთვის ერთგვარი სტრესია და მელანინის სინთეზი ირღვევა. კანის ფერი დამოკიდებულია პიგმენტ მელანინზე, რომელსაც კანში არსებული უჯრედები – მელანოციტები გამოიმუშავებს.

ეს განსაკუთრებით სხეულის იმ ნაწილებში, სადაც უფრო მეტ დასხივებას იღებს კანი, მაგალითად, შუბლის არე, ცხვირის ზონა, მხრები და იდაყვი. 

ამიტომ, რუჯის მიღებისას ხშირად უნდა წავისვათ მზის დამცავი და ხშირად უნდა ვიცვალოთ მხარი, ხან ზურგი მივუშვიროთ, ხან სახე და ა.შ.

• რა რეკომენდაციები შეიძლება გავითვალისწინოთ რუჯის შენარჩუნებისთვის ტანის დაბანის დროს, როგორც დასაბანი საშუალებების, ისე თუნდაც წყლის ტემპერატურის გათვალისწინებით?

რეალურად, რუჯის შენარჩუნება ინდივიდუალური პროცესია და გარეგნული ფაქტორები დიდად არ ახდენს გავლენას. ყველაზე მნიშვნელოვანია, თუ რამდენად ვიცავდით რუჯის მიღების რეკომენდაციებს. რაც უფრო ჯანსაღად და ხანგრძლივად მიმდინარეობს რუჯის მიღება, მით უფრო ხანგრძლივად შეინარჩუნებთ მას.

ზოგად რეკომენდაციას რაც შეეხება, შხაპი უნდა მივიღოთ 32-დან 38 გრადუსამდე წყლით და უმჯობესია, 20-25 წუთს არ აღემატებოდეს ეს პროცესი.

ჯანსაღი, სუფთა და გლუვი კანი რომ გქონდეთ, შეგიძლიათ ფრანგული პრემიუმ კლასის ბრენდის, კოდალის პროდუქტები გამოიყენოთ.

კოდალის ბრენდ მენეჯერის, ეკა ბუცხრიკიძის განცხადებით,  კომპანიამ წელს განახლებული სერია შემოგვთავაზა, რომელიც პსპ-ს აფთიაქებში შეგიძლიათ შეიძინოთ. 

მისივე თქმით, სხვადასხვა კანის ფერის მქონე ადამიანს სხვადასხვანაირი მზისგან დამცავი სჭირდება და კოდალს ნებისმიერი კანის ფერის მქონე ადამიანისთვის აქვს მზისგან დამცავი პროდუქტები, როგორც ბავშვებისთვის, ისე ქალებისა და კაცებისთვის.

„კოდალის პროდუქტები ვეგანურია, ის მთლიანად ნატურალური  ინგრედიენტებისგან შედგება. არ იყენებს ცხოველურ პროდუქტებს და არც ცხოველებზე ტესტავს,“ – აღნიშნა მან.

ეკა ბუცხრიკიძის თქმით, ჯანსაღი რუჯის მისაღებად და ელასტიკური კანის შესანარჩუნებლად შემდეგი პროდუქტები შეგვიძლია გამოვიყენოთ:

Caudalie:  კოდალი მზისგან დამცავი კრემი – მაქსიმალური დაცვა და მბზინავი რუჯი. კრემი უზრუნველყოფს სახის კანის დაცვას მზის UVA/UVB სხივების ზემოქმედებისგან, ასევე იცავს მას ფოტოდაბერებისგან. აფერხებს ნაოჭების გაჩენას.

Caudalie:  ზეთი Soleil-Caudalie – კოდალი ზეთი Soleil სხეულის მკვებავი ზეთი. გამდიდრებულია არგანის, შიის, ყურძნის თესლისა და ნუშის ზეთით, ის აუმჯობესებს კანის ელასტიკურობასა და ავლენს მყისიერ ბზინვარებას. ატენიანებს კანს. განკუთვნილია ყველა ტიპის კანისთვის. ძირითადი ინგრედიენტები: არგანის ზეთი, ყურძნის თესლის ზეთი, შის ზეთი, 95% ბუნებრივი წარმოშობის ინგრედიენტები. ტექსტურა: ზეთი. დერმატოლოგიურად შემოწმებული. ვეგანური. უცხიმო. 

Caudalie:  მზის შემდგომი ლოსიონი – კოდალი მზის შემდგომი ლოსიონი მზის შემდგომი და რუჯის გამახანგრძლივებელი ლოსიონი, კვებავს, ამშვიდებს და ატენიანებს კანს. უზრუნველყოფს რუჯის ფერის შენარჩუნებას ხანგრძლივად. მის შემადგენლობაში შემავალი ყურძნის წყალი და ალოე ვერა – ატენიანებს და ამშვიდებს კანს მზის აბაზანის შემდგომ. ქოქოსის ზეთი და სკვალანი – კვებავს და აღადგენს, ნატურალური ბარდის ექსტრაქტი კი უზრუნველყოფს რუჯის გახანგრძლივებას და კანის ბზინვარებას. Caudalie – კოდალი ტანის კრემი 

Caudalie: Vinotherapist – აღმდგენი ვეგანური ტანის კარაქი განკუთვნილია მშრალი კანისთვის. საშუალება ინტენსიურად კვებავს კანს, მატებს მას სირბილესა და სიგლუვეს. უზრუნველყოფს ინტენსიურ კვებას 24 საათის განმავლობაში და აღადგენს ატოპიისკენ მიდრეკილ, მშრალ კანს. მისი მდიდარი, აბრეშუმისებრი ტექსტურა, გამდიდრებული მცენარეული ლიპიდებით, ამშვიდებს ქავილისა და დაჭიმულობის შეგრძნებას, რაც ყველაზე მგრძნობიარე კანსაც კი რბილსა და ელასტიკურს ხდის. შედგება 98% ორგანული ინგრედიენტებისგან. მის შემადგენლობაშია ჰიალურონის მჟავა, ორგანული შიის კარაქი და ყურძნის წიპწის პოლიფენოლი. გამოყენების წესი: დაიტანეთ საშუალება დილით ან/და საღამოს სუფთა, მშრალ სხეულის კანზე. 

Caudalie – ზეთი Glow – ბუნებრივი, მრავალფუნქციური გამოყენების ზეთი სხეულის, თმისა და დეკოლტესთვის. გამდიდრებულია ძვირფასი ზეთებითა და ეკლიანი მსხლით. კვებავს და ალამაზებს ყველა ტიპის კანს, მატებს თმას ბზინვარებასა და არბილებს დეკოლტეს. განკუთვნილია ყველა ტიპის კანისთვის. 99% ბუნებრივი წარმოშობის ინგრედიენტი. ძირითადი ინგრედიენტებია: არგანის ზეთი, ყურძნის თესლის ზეთი, ეკლიანი მსხლის ზეთი. ტექსტურა: ზეთი. უცხიმო. ვეგანური. დერმატოლოგიურად შემოწმებული.