დღეს, 7 მარტს, საღამოს ამ წუთებში [20:47] თბილისში, პარლამენტის მიმდებარე ტერიტორიაზე გამართულ აქციაზე სავარაუდოდ წიწაკის სპრეი და ცრემლსადენი გაზი გამოიყენეს.
აქციაზე მობილიზებულია სპეცდანიშნულების რაზმები, გამოჩნდა წყლის ჭავლის მანქანებიც.
აქციაზე ისმის გამაფრთხილებელი სირენა – აქციის მონაწილეებს მოუწოდებენ დაიშალონ, წინააღმდეგ შემთხვევაში ისინი გამოიყენებენ წყლის ჭავლს.
აქციის მონაწილეებს ხელები ზემოთ აქვს აწეული, თუმცა პოლიციისა და სპეცდანიშნულების რაზმების რაოდენობა აქციაზე მაინც იზრდება.
პარლამენტთან ათასობით ადამიანი აპროტესტებს რუსული კანონის პირველი მოსმენით მიღებას.
აქციის მონაწილეები სპეცრაზმს მოუწოდებენ გადავიდნენ ხალხის მხარეს.
კადრები თბილისში მიმდინარე აქციიდან
აქცია პარლამენტთან
