Batumelebi | აჭარაში ფერმერებს მოტობლოკებს გადასცემენ აჭარაში ფერმერებს მოტობლოკებს გადასცემენ – Batumelebi
RU | GE  

აჭარაში ფერმერებს მოტობლოკებს გადასცემენ

აჭარაში მცხოვრებ 292 ფერმერს სასოფლო სამეურნეო ტექნიკა თანადაფინანსების  ფარგლებში 70% ფასდაკლებით გადაეცემა. აჭარის სოფლის მეურნეობის სამინისტროს ინფორმაციით, იტალიური წარმოების ,,Meccanica Benassi’’-ს   ფირმის მრავალფუნქციური მოტობლოკები დაკომპლექტებულია ნიადაგდამამუშავებელი აგრეგატებით: ფრეზი–კულტივატორი, ნიადაგის შემომყრელი [კვალგამყვანი], კარტოფილის ამომთხრელი, ნიორის სათესი და  სეგმენტურთათებიანი სათიბელათი.

სამინისტროს ინფორმაციით, პროგრამის ფარგლეში ფერმერებს თანაგადახდის პრინციპით [ღირებულების 30%] წელს 79 ერთეულ მოტობლოკს მისაბმელ ურიკასაც გადასცემენ.

შესყიდული ტექნიკა გადანაწილდება რეგიონის ხუთივე მუნიციპალიტეტსა და ბათუმს შემოერთებულ ტერიტორიაზე მცხოვრებ ფერმერებზე.  აღნიშნული ქვეპროგრამის ბიუჯეტი შეადგენს 1 078 400  ათას ლარს. მოტობლოკი 106-მა ფერმერმა უკვე მიიღო.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com