ბრაზილიაში პელეს გარდაცვალების გამო 3-დღიანი გლოვა გამოცხადდა.
ფეხბურთის ბრაზილიელი ლეგენდა 82 წლის ასაკში გარდაიცვალა 29 დეკემბერს. მას 2 იანვარს დაკრძალავენ.
პელე საავადმყოფოში რამდენიმე დღის წინ გადაიყვანეს, მას შემდეგ, რაც მისი ჯანმრთელობის მდგომარეობა დამძიმდა. ფეხბურთელს სწორი ნაწლავის სიმსივნე ჰქონდა.
პელე მსოფლიოს ყველა დროის ერთ-ერთ საუკეთესო ფეხბურთელადაა აღიარებული. ის ერთადერთი ფეხბურთელია ისტორიაში, რომელმაც სამი მსოფლიო ჩემპიონატი მოიგო (1958, 1962 და 1970 წლებში).
_______________
მთავარ ფოტოზე: პელე. ფოტო: EPA-EFE/WALTER BIERI
