საქართველოს ეროვნულ საფეხბურთო ნაკრებს 2028 წლის ბოლომდე ქართველი სპეციალისტი რამაზ სვანაძე უხელმძღვანელებს. სვანაძე მთავარი მწვრთნელის პოსტზე ვილი სანიოლს შეცვლის.
ინფორმაციას ამის შესახებ საქართველოს ეროვნული ნაკრები ავრცელებს.
სანიოლი საქართველოს ნაკრებს 2021 წლის თებერვლიდან ხელმძღვანელობდა. ამ პერიოდში გუნდმა 57 მატჩი ჩაატარა.
სანიოლი გუშინ, 25 სექტემბერს, ერთა ლიგის მატჩში ჩრდილოეთ ირლანდიასთან წაგებული მატჩის შემდეგ გაათავისუფლეს.
ნაკრების ცნობით, რამაზ სვანაძე დღემდე საქართველოს 21-წლამდელთა ნაკრებს ხელმძღვანელობდა და ახალგაზრდულ გუნდთან ერთად ევროპის ჩემპიონატის ფინალურ ეტაპზე ორჯერ იასპარეზა.
საქართველოს 21-წლამდელთა ნაკრების საკვალიფიკაციო ეტაპის ბოლო სამ შეხვედრაში სვანაძეს მისი ასისტენტი გიორგი ადამია შეცვლის.
