31 ოქტომბერს ბათუმის საკრებულომ ცვლილება შეიტანა დადგენილებაში – ცვლილების თანახმად, მუნიციპალურ ტრანსპორტში მგზავრობის საფასურის გადახდა ნებისმიერი საბანკო ბარათით იქნება შესაძლებელი.
ბათუმის მერიის პრესსამსახურის ცნობით, აღნიშნული ცვლილება ძალაში 2023 წლის დასაწყისში შევა.
სისტემის გაუმჯობესების მიზნით ინერგება ახალი საგადახდო სისტემა, რომელიც გულისხმობს ნებისმიერი ტიპის საბანკო ბარათით [VISA, MASTERCARD] მგზავრობისთვის განკუთვნილი საფასურის გადახდას.
გადახდის ახალი სისტემის ამოქმედების შემდეგ, ძალაში დარჩება საქალაქო ავტობუსებით შეღავათიანი, თუ უფასოდ მგზავრობის ის წესი, რაც დღეს მოქმედებს, შესაბამისად, იმოქმედებს ასეთი მგზავრობისთვის განკუთვნილი სპეციალური პლასტიკური ბარათებიც.
