დღეს, 26 სექტემბერს, ბათუმის ბულვარში, კოლონადებთან, აჭარული ხის მეჩეთების ფოტოების გამოფენა მიმდინარეობს.
გამოფენა საღამოს 18 საათამდე გაგრძელდება და მასზე დასწრება თავისუფალია.
„აჭარული ხის მეჩეთები ქართული ისლამური კულტურის უნიკალური და საუკუნოვანი ნიმუშებია, რომლებსაც სჭირდებათ მოვლა, ხილვადობა და აღიარება.
ამ გამოფენის მიზანია თვალხილული გახდეს ეროვნული ქარგის ეს შეუმჩნეველი ნაწილი და წარმოჩინდეს მისი პოტენციალი აჭარის ტურისტული შესაძლებლობების განვითარებაში”, – აღნიშნავს გამოფენის ორგანიზატორი, ახალგაზრდა რეგიონული სამოქალაქო საზოგადოება „სოლიდარობის თემი“.
„სოლიდარობის თემმა“ პეტიცია მოამზადა აჭარის ხის მეჩეთების გადასარჩენად და აჭარის უმაღლეს საბჭოს მიმართა.
ფოტო გამოფენიდან. ფოტო: ჰურიე აბაშიძე
_____________________
მთავარი ფოტო გამოფენიდან. ფოტო: ჰურიე აბაშიძე.
