ნეტგაზეთი • RU

ჩვენ ყურადღების ცენტრში უნდა დავრჩეთ, თორემ დავიღუპებით – ოლენა ზელენსკა

„ამ სრულმასშტაბიანი აგრესიის დაწყებამ დამარწმუნა, რომ ლამაზი ომი არ არსებობს. ის არც შეიძლება არსებობდეს. ეს ყოველთვის საშინელება და სისასტიკეა. არ დაივიწყოთ უკრაინა. ჩვენ ყურადღების ცენტრში უნდა დავრჩეთ. თუ ფოკუსიდან ამოვვარდებით – დავიღუპებით. ამის დაშვება არ შემიძლია,“ – უთხრა ოლენა ზელენსკამ იაპონურ ტელერადიოკომპანია NHK-ს, რომელმაც უკრაინის პირველ ლედისთან ინტერვიუ ჩაწერა.

ოლენა ზელენსკამ იაპონურ ტელევიზიასთან ისაუბრა იმაზე, თუ როგორ იბრძვის და ცხოვრობს უკრაინა რუსეთის შეჭრის შემდეგ, ილაპარაკა კონგრესში თავის ემოციურ გამოსვლაზე, პრეზიდენტ ქმარზე, რომელსაც ინტერვიუმდე ზუსტად 2 წუთით შეხვდა და იმ პროექტებზე, რომელთა დაწყებასაც უკრაინა ომის დასრულებისთანავე გეგმავს.

ინტერვიუსთვის უკრაინის პირველმა ლედიმ შეარჩია ღია ცისფერი პიჯაკი, რომელიც ძალიან წააგავს ტრადიციულ იაპონურ კიმონოს.

ოლენა ზელენსკა ბოლო პერიოდში არაერთხელ შეხვდა საერთაშორისო მედიას. უკრაინის პირველმა ლედიმ ინტერვიუ მისცა ბრიტანელ წამყვან პირს მორგანს, ამერიკულ გამოცემა Vogue-ს, BBC-ს და ესპანურ El Pais-ს, ოლენა ზელენსკა გამოჩნდა ჟურნალ Time-ის გარეკანზე და ომის შესახებ მოუთხრო შვეიცარიულ Le Temps, ბრიტანულ The Economist-სა და The Guardian-ს.

„არ შეეჩვიოთ ჩვენს გლოვას“ – უკრაინის პირველი ლედის ინტერვიუ CNN-თან

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.