ნეტგაზეთი • RU

დავაკავეთ მედდა, რომელიც 300 ლარს იღებდა ვაქცინის ჩანაწერის გასაყალბებლად – საგამოძიებო

საქართველოს ფინანსთა სამინისტროს საგამოძიებო სამსახურის ცნობით, სამეგრელოში დააკავეს სამედიცინო დაწესებულების მედდა, რომელიც სამსახურებრივი მოვალეობების შესრულებისას, დაინტერესებულ მოქალაქეებს, კლინიკაში მიუსვლელად აფიქსირებდა იმუნიზაციის მართვის ელექტრონულ მოდულში, როგორც ვაქცინირებულ პირს, რის სანაცვლოდაც მათგან იღებდა გარკვეულ თანხას.

„დანაშაულში უკვე მხილებულია თხუთმეტი მოქალაქე, რომლებიც, თავის მხრივ, ხსენებული ბრალდებულისათვის თანხის – 300 ლარამდე გადახდის სანაცვლოდ, დარღვევით დარეგისტრირდნენ როგორც ვაქცინირებული პირები.

წინასწარი მონაცემებით, აღნიშნული დანაშაულებრივი გზით, იმუნიზაციის მართვის ელექტრონულ მოდულში დარეგისტრირებულია დამატებით ათეულობით პირი, რომელთა დადგენა-მხილების მიზნითაც ტარდება შესაბამისი ღონისძიებები“ – იუწყება საგამოძიებო სამსახური.

საგამოძიებო არ აზუსტებს,  საქმე ეხება კორონავირუსის თუ სხვა ვაქცინას.

საქმეზე მიმდინარეობს გამოძიება სისხლის სამართლის კოდექსის 220-ე და 221-ე მუხლებით, რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.

___________

ფოტო: pixels

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.