ნეტგაზეთი • RU

ბათუმის პორტში რუსული სატვირთო გემი შემოვიდა

ბათუმის პორტში რუსული დროშის ქვეშ მცურავი გემი „ლეონიდ პესტრიკოვი“ შემოვიდა. მშრალი ტვირთის გადამზიდი გემი მანამდე  სტამბოლის პორტში იმყოფებოდა.

ეს პირველი შემთხვევაა რუსეთის მიერ უკრაინაში ომის დაწყებიდან, როცა ბათუმის პორტში რუსული გემი შემოვიდა.

ბათუმის პორტში განაცხადეს, რომ ეს „საქართველოსთვის განკუთვნილი ტვირთია“ – ლამინირებული ხე-ტყე, რომლითაც ავეჯს ამზადებენ.

მას შემდეგ, რაც 24 თებერვალს რუსეთი უკრაინაში შეიჭრა, მსოფლიოს არაერთმა ქვეყანამ დაუწესა სანქციები რუსეთს. სანქციები ვრცელდება რუსული დროშის ქვეშ მცურავ გემებზეც.

მაგალითად, რუსული გემები ვეღარ შედიან ბრიტანულ პორტებში. 26 თებერვალს კი საფრანგეთმა ლა-მანშის სრუტეში დააკავა რუსული სატვირთო გემი.

ნეტგაზეთის მასალების სხვა გამოცემებში გადაბეჭდვის წესი
ავტორი