ბათუმის შემოვლითი გზის მშენებლობა 2023 წლამდე უნდა დასრულდეს – ესაა ამ დროისთვის ახალი ავტომაგისტრალის დასრულების ახალი ვადა, რომელიც გზის მშენებლობის დაწყებიდან დღემდე უკვე რამდენჯერმე შეიცვალა.
„პროექტის მიხედვით ბათუმის შემოვლითი გზის მშენებლობის დასრულება მიმდინარე, 2022 წლის ბოლოსთვისაა გათვალისწინებული“ – გვითხრეს საქართველოს საავტომობილო გზების დეპარტამენტში, დღეს, 26 იანვარს.
გასულ წელს კი, დეპარტამენტიდან ოფიციალურად მოგვწერეს, რომ ბათუმის შემოვლითი გზის მშენებლობის დასრულება 2021 წლის დეკემბრის ბოლომდე იყო დაგეგმილი.
ბათუმის შემოვლითი გზის მშენებლობაზე ხელშეკრულება 2017 წელს გაფორმდა. ამ 14-კილომეტრიანი გზის მშენებლობის დასრულება 2020 წელშიც იგეგმებოდა.
სამუშაოების შეფერხების მიზეზად, ოფიციალურად, პანდემია დასახელდა.
მშენებლობას აზიის განვითარების ბანკი (ADB) და აზიის ინფრასტრუქტურის საინვესტიციო ბანკი (AIIB) აფინანსებს. პროექტის სახელშეკრულებო ღირებულება 329 630 734 ლარია.
გზას თურქული კომპანია „POLAT YOL & MAPA“ აშენებს.
ბათუმის შემოვლითი გზის მშენებლობა / სოფელი სალიბაური / 26.01.2022 /როინ გუნდაძის ფოტოები
ბათუმის შემოვლითი გზის მშენებლობა / სოფელი სალიბაური / 26.01.2022
ბათუმის შემოვლითი გზის 14-კილომეტრიანი მონაკვეთი [აღნიშნულია წითელი წყვეტილი ხაზით]. ახალი მაგისტრალი მახინჯაურის გვირაბიდან „ოცნების ქალაქის“ მიმდებარე ტერიტორიამდე შენდება.
ბათუმის შემოვლითი გზის მშენებლობა / სოფელი სალიბაური / 26.01.2022
ბათუმის შემოვლითი გზის მშენებლობა / სოფელი სალიბაური / 26.01.2022
ბათუმის შემოვლითი გზის მშენებლობა / სოფელი სალიბაური / 26.01.2022
ბათუმის შემოვლითი გზა ამჯერად მახინჯაურის გვირაბიდან მდინარე ჭოროხამდე [ფრიდონ ხალვაშის გამზირამდე] შენდება. ეს გზა მდინარე ჭოროხიდან სარფამდე უნდა გაგრძელდეს.
ბათუმი-სარფის გზის მონაკვეთზე როდის დასრულდება ახალი ჩქაროსნული ავტომაგისტრალის დაპროექტება, ამ დროისთვის კვლავ უცნობია:
ამავე თემაზე:
„დასრულდება ავტობანის მშენებლობა“ – „ოცნების“ შეუსრულებელი საარჩევნო დაპირება
