ხულოს, შუახევის და ქედის მუნიციპალიტეტებში 18 იანვრის დღის 2 საათის მდგომარეობით თოვლის საფარისგან ადმინისტრაციულ ცენტრებთან დამაკავშირებელი გზები გაწმენდილია. ინფორმაციას აჭარის საავტომობილო გზების დეპარტამენტი ავრცელებს.
„აჭარის საავტომობილო გზების დეპარტამენტი მძღოლებს მოუწოდებს, მხოლოდ მაღალი გამავლობის სატრანსპორტო საშულებებით, ზამთრის პერიოდისთვის შესაბამისი საბურავებით გადაადგილდნენ და საჭიროების შემთხვევაში, გამოიყენონ მოცურების საწინააღმდეგო ჯაჭვები.“ – წერია დეპარტამენტის მიერ გავრცელებულ განცხადებაში.
„ორდღიანი თოვის შემდეგ მაღალმთიან აჭარაში გამოიდარა. ხულოს, შუახევის და ქედის მუნიციპალიტეტებში ადმინსიტრაციულ თემებთან დამაკავშირებელი ყველა გზა გაწმენდილია და მაღალი გამავლობის სატრანსპორტო საშულებებს შესაძლებლობა აქვთ თავისუფლად გადაადგილდნენ.
ამ ეტაპზე თოვლის საფარისგან იწმინდება შიდა სასოფლო საავტომობილო გზები. აღნიშნულ სამუშაოებში აჭარის საავტომობილო გზების დეპარტამენტის 50-მდე სპეციალური ტექნიკაა ჩართული.
ბათუმი-ხულო-ახალციხის გზაზე კურორტ გოდერძიმდე მოძრაობა შეზღუდული არ არის.“ – აცხადებს დეპარტამენტი.
მაღალმთიანი აჭარა / აჭარის გზების დეპარტამენტის ფოტოები
ამინდის პროგნოზი: 18 იანვრის 21 საათიდან 19 იანვრის 21 საათამდე ბათუმსა და მთლიანად აჭარაში მოსალოდნელია უმეტესად ღრუბლიანი ამინდი, ღამით ზოგან, დღისით ყველგან ნალექი, მთაში თოვა.
აჭარის მთაში თოვაა მოსალოდნელი 20 და 21 იანვარსაც.
ამავე თემაზე:
თოვლის გამო გზებზე დაწესებულია შეზღუდვები
