ბათუმის მერიაში საკადრო ცვლილებებია. ბათუმის ვიცე-მერის პოსტზე ლევან დავითაძე დანიშნეს და შეიცვალა რამდენიმე სამსახურის ხელმძღვანელი.
საკადრო ცვლილებების შესახებ დღეს, 13 დეკემბერს, ისაუბრა ბრიფინგზე ბათუმის მერმა, არჩილ ჩიქოვანმა.
საკადრო ცვლილებების თანახმად:
- „ბათუმის წყლის“ დირექტორი ალექსანდრე მჟავანაძე იქნება, რომელიც აქამდე მერიის ინფრასტრუქტურისა და კეთილმოწყობის სამსახურის უფროსი იყო.
- ინფრასტრუქტურისა და კეთილმოწყობის სამმართველოს აკაკი ბერიძე უხელმძღვანელებს, რომელიც ამავე სტრუქტურაში მოადგილის პოზიციას იკავებდა.
- ბათუმის ბაღების გაერთიანების ხელმძღვანელის პოზიციაზე დაინიშნა დავით დიასამიძე, რომელიც აქამდე გამწვანების სამსახურს ხელმძღვანელობდა.
- გამწვანების სამსახურის ხელმძღვანელად დაინიშნა თამაზ სალუქვაძე, რომელიც წინა მოწვევის საკრებულოს თავმჯდომარის მოადგილე იყო.
- ბათუმის სპორტული ცენტრის ხელმძღვანელის პოზიციაზე დაინიშნა თემურ ხასია.
- საცხენოსნო კლუბს უხელმძღვანელებს დურსუნ ბერიძე.
„დარწმუნებული ვარ, ამ გუნდთან ერთად ჩვენ ბევრ წარმატებულ პროექტს განვახორციელებთ,“ – აღნიშნა არჩილ ჩიქოვანმა.
