Batumelebi | ახალი შტამის გამო რეგულაციები წესდება 8 უცხო ქვეყიდან შემოსული მოქალაქეებისთვის ახალი შტამის გამო რეგულაციები წესდება 8 უცხო ქვეყიდან შემოსული მოქალაქეებისთვის – Batumelebi
ნეტგაზეთი • RU

ახალი შტამის გამო რეგულაციები წესდება 8 უცხო ქვეყიდან შემოსული მოქალაქეებისთვის

კორონავირუსის ახალი შტამის გავრცელებასთან დაკავშირებით, უწყებათაშორისი საკოორდინაციო საბჭოს გადაწყვეტილებით ახალი რეგულაციები წესდება 8 ქვეყნის მოქალაქეებისთვის – კერძოდ ამ ქვეყნების მოქალაქეებს საქართველოს საზღვრის კვეთის შემთხვევაში 14 დღის განმავლობაში იზოლაცია/კარანტინში მოუწევთ ყოფნა.

„ნებისმიერი პირი, მოქალაქეობის მიუხედავად, რომელსაც ბოლო 14 დღის განმავლობაში აქვს შემდეგ ქვეყნებში მოგზაურობის ისტორია, საქართველოში შემოსვლისას ექვემდებარება 14-დღიან იზოლაციას/კარანტინს საკარანტინე სივრცეში“, – წერია განცხადებაში.

ეს ქვეყნებია:

  • სამხრეთ აფრიკა
  • ბოცვანა
  • ზიმბაბვე
  • ნამიბია
  • ლესოტო
  • ესვატინი (სვაზილენდი)
  • მოზამბიკი
  • მალავი

14-დღიანი იზოლაციის/კარანტინის დასრულების შემდეგ პირებს ჩაუტარდებათ PCR-კვლევა.

საქართველოს მოქალაქეების შემთხვევაში, საკარანტინე სასტუმროსა და PCR-კვლევის ხარჯებს ფარავს სახელმწიფო, ხოლო უცხო ქვეყნის მოქალაქეების შემთხვევაში – თავად უცხო ქვეყნის მოქალაქე.

გადაწყვეტილება საკოორდინაციო საბჭომ აღნიშნულ ქვეყნებში კორონავირუსის ახალი „ომიკრონი“ შტამის დაფიქსირების გამო  მიიღო და ის 28 ნოემბრიდან ამოქმედდება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.