Batumelebi | ბათუმში 12 წლის ორ მოზარდს მანქანა დაეჯახა ბათუმში 12 წლის ორ მოზარდს მანქანა დაეჯახა – Batumelebi
ნეტგაზეთი • RU

ბათუმში 12 წლის ორ მოზარდს მანქანა დაეჯახა

დღეს, 26 ნოემბერს, საღამოს, ბათუმში, აღმაშენებლის ქუჩაზე ავტომობილი 12 წლის 2 მოზარდს დაეჯახა – ინფორმაციას ბათუმის იაშვილის სახელობის დედათა და ბავშვთა ცენტრალურ ჰოსპიტალში ადასტურებენ, სადაც მოზარდები არიან გადაყვანილი.

ჰოსპიტლის ინფორმაციით, მოზარდების ჯანმრთელობის მდგომარეობა საშუალო სიმძიმისაა, თუმცა საბოლოო პასუხისთვის ორივეს უტარდება გამოკვლევები.

ერთი ბავშვი ქირურგიულ განყოფილებაშია, მეორე კი გადაუდებელი მედიცინის განყოფილებაში რჩება. ექიმების თქმით, პირველადი დათვალიერებით, მოზარდებს სიცოცხლისთვის შეუთავსებელი დაზიანებები არ აქვთ.

„ბათუმელების“ ინფორმაციით, მოზარდები კლინიკაში პოლიციამ გადაიყვანა.

შს სამინისტროს ინფორმაციით, ფაქტზე დაწყებულია გამოძიება.

_________________

ფოტო: ალექსანდრე ფაცაცია

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com