27 სექტემბერს ბათუმში ორი ავტოავარია მოხდა – შუადღისას, ფრიდონ ხალვაშის გამზირზე მიკროავტობუსი ქვეითებს დაეჯახა, რის შედეგადაც 5 წლამდე ბავშვი დაიღუპა და 3 ადამიანი დაშავდა, მეორე ავარია კი იმავე საღამოს ვაჟა-ფშაველას ქუჩაზე მოხდა ბათუმში, რის შედეგადაც 2 მოზარდი დაშავდა.
ხელვაჩაურის გზაზე დაშავებულებიდან ერთი ამ დრომდე კლინიკაში რჩება. დაშავებული 33 კვირის ორსული ქალია.
მას თავის ტვინის შერყევა და მხრის ტრავმა აქვს. კლინიკის ცნობით, დაშავებულის მდგომარეობა სტაბილურია.
რაც შეეხება ავარიის შედეგად დაშავებულ მოზარდებს – ორივე მათგანი ბათუმის რესპუბლიკურ საავადმყოფოში რჩება. კლინიკის ცნობით, ერთი მოზარდი უკვე პალატაში გადაიყვანეს, მეორე კი რეანიმაციულ განყოფილებაშია, მისი მდგომარეობა სტაბილურად მძიმეა.
