Batumelebi | თავისუფალ ჟურნალისტთა სახლმა აჭარის რეგიონული ჰაბის პრეზენტაცია გამართა თავისუფალ ჟურნალისტთა სახლმა აჭარის რეგიონული ჰაბის პრეზენტაცია გამართა – Batumelebi
ნეტგაზეთი • RU

თავისუფალ ჟურნალისტთა სახლმა აჭარის რეგიონული ჰაბის პრეზენტაცია გამართა

2021 წლის 25 ნოემბერს, „თავისუფალ ჟურნალისტთა სახლის“ ორგანიზებით, აჭარის რეგიონული ჰაბის პრეზენტაცია გაიმართა ონლაინრეჟიმში.

აჭარის რეგიონული ჰაბი ეს არის პლატფორმა, რომელიც ხელს უწყობს ინფორმაციის, გამოცდილებისა და შესაძლებლობების გაცვლას. კერძოდ, ჰაბი უზრუნველყოფს პროექტის აქტივობების შესახებ ინფორმაციის გავრცელებას შესაბამის რეგიონში, წარმართავს ადგილობრივ აქტორებთან კომუნიკაციას კონსულტაციების, ქსელური მუშაობის, ადვოკატირებისა და მონიტორინგის გზით.

ხელს უწყობს ადგილობრივი სამოქალაქო საზოგადოებისა და სათემო ორგანიზაციების, სამოქალაქო აქტივისტების გაძლიერებას, მათი როლისა და საქმიანობის შესახებ ცნობადობის გაზრდას საზოგადოებაში.

აჭარის რეგიონული ჰაბი მიმდინარე წლის ივლისიდან შეუდგა პრაქტიკულ საქმიანობას.

აჭარის რეგიონული ჰაბის მთავარი მიზნები სამ კონკრეტულ მიმართულებად იყოფა:

  1. საქართველოში სამოქალაქო საზოგადოების მდგრადი განვითარების ხელშეწყობა, პოლიტიკური და ფინანსური გარემოს გაუმჯობესება, ასევე, კორპორაციული სოციალური პასუხისმგებლობის (CSR) კულტურის პოპულარიზაცია;
  2. სამოქალაქო ღირებულებების პოპულარიზაცია, თანამონაწილეობისა და საზოგადოებრივი ჩართულობის ხელშეწყობა, სამოქალაქო საზოგადოების ორგანიზაციებსა და მათ სამიზნე აუდიტორიას შორის კავშირების გამყარება;
  3. ქვეყნის მასშტაბით სამოქალაქო სექტორის ინსტიტუციური გაძლიერება და სამოქალაქო საზოგადოების ორგანიზაციების შესაძლებლობების განვითარება, განსაკუთრებით ზედამხედველობისა და ადვოკატირების თვალსაზრისით.

ჰაბის მიზანი არამხოლოდ აჭარაში, არამედ მთელი საქართველოში სამოქალაქო საზოგადოების, როგორც დამოუკიდებელი და ანგარიშვალდებული აქტორის გაძლიერებაა.

  • რა წვლილს შეიტანს თავისუფალ ჟურნალისტთა სახლი აჭარის რეგიონული ჰაბის საქმიანობაში?

„თავისუფალ ჟურნალისტთა სახლი“ აჭარის რეგიონში 2001 წლიდან მუშაობს. ორგანიზაციას საერთაშორისო და ადგილობრივ დონორებთან თანამშრომლობის 20 წლიანი გამოცდილება გააჩნია. საქმიანობის ერთ-ერთი მნიშვნელოვანი მიმართულება, რეგიონში სამოქალაქო საზოგადოების განვითარებისა და გაძლიერების ხელშეწყობაა.

„თავისუფალ ჟურნალისტთა სახლი“ პროექტის სამწლიანი მიმდინარეობისას პერმანენტულად უზრუნველყოფს შეხვედრებს მოსახლეობასთან, საჯარო სკოლების მოსწავლეებთან და პედაგოგებთან, მუნიციპალიტეტის თვითმმართველობის წარმომადგენლებთან.

„თავისუფალ ჟურნალისტთა სახლი“იქნება ასევე სოციალური პასუხისმგებლობის თემაზე ორიენტირებული კონფერენციის ორგანიზატორი, მომზადდები სტატიები პროექტის შესახებ ხილვადობის გასაზრდელად, შემუშავდება ადგილობრივი სსო-ების შესახებ საინფორმაციო ცნობარი, სათემო და საინიციატივო ჯგუფებისთვის ხელმისაწვდომი იქნება საკონსულტაციო შეხვედრები, 11 სოფელში „მოგზაური ბიბლიოთეკა“ ახალგაზრდებში კითხვის პოპულარიზაციაზე იზრუნებს და ა.შ.

„აჭარის რეგიონული ჰაბის“ პრეზენტაციას დაესწრნენ აჭარის რეგიონის სამოქალაქო საზოგადოებისა და სათემო  ორგანიზაციების, მედიის, თვითმმართველობის  წარმომადგენლები, ახალგაზრდები და სამოქალაქო ლიდერები.

მოწვეულ საზოგადოებას მისასალმებელი სიტყვით მიმართა ასლან ჭანიძემ,  „თავისუფალ  ჟურნალისტთა სახლის“  ხელმძღვანელმა. პროექტის  მენეჯერმა, მარიკა ზაქარაძემ ისაუბრა რეგიონული ჰაბის მიზნებსა და მომავალი 3 წლის განმავლობაში დაგეგმილ აქტივობებზე.

„აჭარის რეგიონული ჰაბი“ შეიქმნა ევროკავშირისა და კონრად ადენაუერის ფონდის დაფინანსებული პროექტის ფარგლებში: „სამოქალაქო საზოგადოების ინიციატივა მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“.

  • რა მიზანი აქვს პროექტს „სამოქალაქო საზოგადოების ინიციატივა“

პროექტი „სამოქალაქო საზოგადოების ინიციატივა“ მიზნად ისახავს, გააძლიეროს სამოქალაქო საზოგადოება, როგორც დამოუკიდებელი, მდგრადი,  გამჭვირვალე და ანგარიშვალდებული აქტორი მთელი საქართველოს მასშტაბით.

პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

“სამოქალაქო საზოგადოების ინიციატივა” ემყარება ევროკავშირის მიერ მხარდაჭერილი პროექტის “სამოქალაქო საზოგადოების განვითარების ინიციატივა” (CSSIGE 2017-2020) განხორციელების პროცესში მიღებულ ცოდნასა და გამოცდილებას.


ეს სტატია  შექმნილია ევროკავშირისა და კონრად ადენაუერის ფონდის მხარდაჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. მის შინაარსზე სრულად პასუხისმგებელია „თავისუფალ ჟურნალისტთა სახლი“ და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.