ცნობილი მექსიკელი მხატვრის, ფრიდა კალოს ავტოპორტრეტი „დიეგო და მე“ 16 ნოემბერს, ნიუ იორკში, „სოთბის“ აუქციონზე, 34.9 მილიონ დოლარად გაიყიდა.
„დიეგო და მე“ ფრიდა კალოს ერთ-ერთი ბოლო ავტოპორტრეტია.
„ბიბისი“ წერს, რომ ეს ყველაზე მაღალი ფასია, რაც ლათინო-ამერიკელი მხატვრის ნამუშევრის შესაძენად გადაუხდიათ. წინა რეკორდი ეკუთვნოდა დიეგო რივერას, რომელთანაც ფრიდა კალოს მღელვარე რომანტიკული ურთიერთობა აკავშირებდა.
ბოლო წლებია ფრიდა კალოს ნამუშევრებზე ფასი სულ უფრო იზრდება. 2016 წელს მისი ნამუშევარი – „ორი შიშველი ტყეში“ – 8 მლნ დოლარად გაიყიდა.
_____________
ფოტოზე: „დიეგო და მე“. ფოტო: ევროპის პრესფოტო სააგენტო. EPA/ANDY RAIN