Batumelebi | ჩიქოვანი 51.018% – კირთაძე 48.982% | ბათუმის მერის არჩევნების წინასწარი შედეგები ჩიქოვანი 51.018% – კირთაძე 48.982% | ბათუმის მერის არჩევნების წინასწარი შედეგები – Batumelebi
ნეტგაზეთი • RU

ჩიქოვანი 51.018% – კირთაძე 48.982% | ბათუმის მერის არჩევნების წინასწარი შედეგები

ადგილობრივი თვითმმართველობის არჩევნების მეორე ტურში, ცენტრალური საარჩევნო კომისიის წინასწარი მონაცემებით, არჩილ ჩიქოვანი ბათუმის მერი გახდა.

ბათუმში ყველა საარჩევნო უბანია დათვლილი.

წინასწარი მონაცემების თანახმად, „ერთიანი ნაციონალური მოძრაობის“ მერობის კანდიდატმა გიორგი კირთაძემ ბათუმში ამომრჩეველთა ხმები 48.982 პროცენტი მიიღო – 36 710 ხმა, „ქართული ოცნების“ მერობის კანდიდატმა არჩილ ჩიქოვანმა კი – 51.018 პროცენტი, 38 236 ხმა.

არჩილ ჩიქოვანმა 1526 ხმის სხვაობით მოუგო არჩევნები გიორგი კირთაძეს. 

არჩევნების პირველ ტურთან შედარებით, მეორე ტურში ორივე კანდიდატის მხარდამჭერებმა იმატა. მეორე ტურში არჩილ ჩიქოვანის მხარდამჭერების რიცხვი 7660 ამომრჩევლით გაიზარდა, გიორგი კირთაძის კი – 5267 ამომრჩევლით.

არჩევნების პირველ ტურში, რომელიც 2 ოქტომბერს გაიმართა, არჩილ ჩიქოვანმა 30 776 ხმა მიიღო, გიორგი კირთაძემ კი – 31 443 ხმა.

ცესკოს მონაცემებით, ბათუმში ხმა მისცა 76 944 -მა მოქალაქემ – რეგისტრირებულ ამომრჩეველთა 52 პროცენტმა.

2021 წლის ადგილობრივი თვითმმართველობის არჩევნებზე ბათუმში სულ 147 964 ამომრჩეველი იყო რეგისტრირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com