Batumelebi | ხდებოდა ამომრჩევლის ნების კონტროლი – ენმ-ის ბრიფინგი ბათუმში ხდებოდა ამომრჩევლის ნების კონტროლი – ენმ-ის ბრიფინგი ბათუმში – Batumelebi
ნეტგაზეთი • RU

ხდებოდა ამომრჩევლის ნების კონტროლი – ენმ-ის ბრიფინგი ბათუმში

ადგილობრივი თვითმმართველობის არჩევნების მეორე ტურის დასრულებამდე ერთი საათით ადრე ერთიანი ნაციონალური მოძრაობის ბათუმის ოფისში ბრიფინგზე განაცხადეს, რომ ამ არჩევნებზე დარღვევების მთავარი ხაზი იყო ამომრჩევლის ნების კონტროლი.

„ძირითადი ხაზი დარღვევებისა გახლდათ ამომრჩევლის ნების კონტროლი, ეს ხდებოდა მოსყიდვით, ზეწოლით თუ შანტაჟით, მათ შორის ე.წ. ბეიჯიანი ძველი ბიჭებით.

ასევე, ზეწოლას განიცდიდნენ საჯარო მოხელეები და საბიუჯეტო დაფინანსებაზე მყოფი ადამიანები, მათ დავალება ჰქონდათ ხელმძღვანელობისგან, საარჩევნო უბანზე შემოხაზული ბიულეტენისთვის გადაეღოს ფოტოსურათი და გაეგზავნათ „ქართული ოცნების“ შტაბში.

ამომრჩეველთა დიდმა ნაწილმა ეს შეასრულა, ოღონდ ამის შემდეგ  ხაზავდნენ „ქართული ოცნების“ კანდიდატის და ხდებოდა მათთვის სასურველი კანდიდატის შემოხაზვა. ეს მტკიცებულებები ჩვენ გვაქვს ხელთ. ესეც მიუთითებს ამომრჩევლის ნების კონტროლზე“ – განაცხადა მირდატ ქამადაძემ, ნაციონალური მოძრაობის წევრმა ბრიფინგზე.

მან წარმოადგინა საარჩევნო ბიულეტენის ფოტოს ქსეროასლი, რომელზეც შემოხაზულია ბათუმის მერობის ორივე კანდიდატი, თუმცა „ოცნების“ კანდიდატი გადახაზულია.

ფოტო: ენმ-ის ბრიფინგი

„ქართული ოცნების შტაბიდან გაიცა დავალება საუბნო-საარჩევნო კომისიის წევრებზე, რომ მსგავსი ბიულეტენები გამოცხადდეს ბათილად და არ ჩაეთვალოს ოპოზიციონერ კანდიდატს. სინამდვილეში ხედავთ, რომ ამ ბიულეტენებზე გამოხატულია ამომრჩევლის ნება. თუ რომელიმე კომისიის წევრი შეეცდება მსგავსი ბიულეტენების ბათილად ცნობას, არ უნდა მივცეთ ამის საშუალება“ – განაცხადა მირდატ ქამადაძემ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com