Batumelebi | ბათუმში II ტურში აქტივობა უფრო მაღალია, ვიდრე I ტურში იყო – 17 საათის მონაცემები ბათუმში II ტურში აქტივობა უფრო მაღალია, ვიდრე I ტურში იყო – 17 საათის მონაცემები – Batumelebi
ნეტგაზეთი • RU

ბათუმში II ტურში აქტივობა უფრო მაღალია, ვიდრე I ტურში იყო – 17 საათის მონაცემები

ცესკოს მონაცემებით, ბათუმში, ადგილობრივი თვითმმართველობის არჩევნების მეორე ტურში, 17 საათის მონაცემებით, ხმა მისცა ამომრჩეველთა 42.2 პროცენტმა, სულ 62 379-მა ამომრჩეველმა.

ამ მონაცემების მიხედვით, მეორე ტურში ბათუმში ამომრჩეველთა აქტივობა მცირედით, მაგრამ მაინც უფრო მაღალია. თვითმმართველობის არჩევნების პირველ ტურში, 17 საათის მონაცემებით ამომრჩეველთა 42 პროცენტს ჰქონდა ხმა მიცემული – 62 182 ამომრჩეველს.

პირველ ტურთან შედარებით, ამომრჩეველთა აქტივობა დაბალია ხელვაჩაურში. ცესკოს 17 საათის მონაცემებით, ხელვაჩაურში ხმა მისცა ამომრჩეველთა 43.7 პროცენტმა [19 402 ამომრჩეველი], მაშინ როცა პირველ ტურში, 17 საათზე ამომრჩეველთა 46.1 [20 468 ამომრჩეველი] პროცენტს ჰქონდა ხმა მიცემული.

ქვეყნის მასშტაბით, 17 საათის მონაცემებით, საქართველოში ამომრჩეველთა 39.5 პროცენტი მივიდა არჩევნებზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com