უკრაინის სადაზვერვო სამსახურის ცნობით, უკრაინის საჰაერო თავდაცვამ რუსული ბომბდამშენი Ту-22МЗ უკრაინიდან დაახლოებით 300 კილომეტრის დაშორებით ჩამოაგდო.
ოფიციალური კიევის ცნობით, ეს არის რუსული ბომბდამშენის პირველი წარმატებული განადგურება ჰაერში საბრძოლო მისიის დროს უკრაინაში რუსეთის სრულმასშტაბიანი შეჭრის შემდეგ.
ინფორმაციას Ту-22МЗ-ის განადგურების შესახებ რუსული მხარეც ავრცელებს, თუმცა რუსეთის ცნობით, ეს იყო ავარია, რომელიც „საბრძოლო დავალების შესრულების შემდეგ“ მოხდა და მისი მიზეზი ტექნიკური გაუმართაობა გახდა.
უკრაინული მედიის ცნობით, რუსეთის ფედერაცია Ту-22МЗ-დან უშვებს X-22 რაკეტებს.
_____________
ფოტო: ვიკიპედია
