Batumelebi | ამ გამარჯვებას ბათუმს ვუძღვნით – რაგბის 18-წლამდელთა ნაკრები ევროპის ჩემპიონი გახდა ამ გამარჯვებას ბათუმს ვუძღვნით – რაგბის 18-წლამდელთა ნაკრები ევროპის ჩემპიონი გახდა – Batumelebi
RU | GE  

ამ გამარჯვებას ბათუმს ვუძღვნით – რაგბის 18-წლამდელთა ნაკრები ევროპის ჩემპიონი გახდა

საქართველოს რაგბის 18-წლამდელთა ნაკრებმა ევროპის ჩემპიონატის ფინალში პორტუგალია დაამარცხა ანგარიშით 27:0 და მესამედ გახდა ევროპის ჩემპიონი.

შეხვედრის დასრულების შემდეგ, ნაკრების კაპიტანმა, პეტრე ხუციშვილმა განაცხადა, რომ ნაკრები ამ გამარჯვებას ბათუმს უძღვნის.

„ძალიან ვწუხვართ ბათუმის ტრაგედიის გამო, ეს მოგება თქვენ მოგიძღვენით. დიდი იმედი მაქვს, ცოტა მაინც გავახარეთ თქვენი გულები“ – განაცხადა პეტრე ხუციშვილმა.

2015 წლიდან დღემდე საქართველომ ზედიზედ მეექვსე ფინალი ითამაშა და ზედიზედ მესამე გამარჯვება მოიპოვა. საქართველოს რაგბის კავშირის ცნობით, წლევანდელ ჩემპიონატში უმცროს ბორჯღალოსნებს ლელო არ გაუშვიათ და ერთადერთი სამი ქულა ბელგიისგან ჯარიმით მიიღეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com