Batumelebi | ნათია თურნავას ფლირტი კანონდამრღვევ „ამბასადორთან“ ნათია თურნავას ფლირტი კანონდამრღვევ „ამბასადორთან“ – Batumelebi
RU | GE  

ნათია თურნავას ფლირტი კანონდამრღვევ „ამბასადორთან“

„ჩვენ გვინდა აღგითქვათ გვერდში დგომა ამ ურთულესი პროექტის განხორციელებისას. დარწმუნებული ვართ, რომ ეს იქნება კიდევ ერთი საინტერესო წამოწყება, რომელიც დიდ წვლილს შეიტანს საქართველოს ეკონომიკის განვითარებაში“, –  ამ სიტყვებით საქართველოს ეკონომიკისა და მდგრადი განვითარების მინისტრმა ნათია თურნავამ მიმართა ინვესტორს, რომელმაც ბათუმის ბულვარში, კულტურული მემკვიდრეობის ძეგლის ტერიტორიაზე მიმდინარე მშენებლობისას კანონი ბევრჯერ დაარღვია.

საუბარია კომპანია „ამბასადორი ბათუმი აილენდზე“, რომელიც ბათუმში ხელოვნური კუნძულის აშენებას აპირებს.

„ამ გლობალური გამოწვევის პირობებში, როდესაც კოვიდმა დიდი დაღი დაასვა გლობალურად ტურიზმს და, რა თქმა უნდა, საქართველოს ეკონომიკას, თქვენ სერიოზულ სიტყვას ამბობთ ქვეყნის ეკონომიკის აღდგენის პროცესში“, – განაცხადა მინისტრმა. 

კომპანია „ამბასადორის“ პროექტი ბათუმში, თამარის დასახლებაში, ხელოვნური კუნძულის მოწყობას გულისხმობს, ნათია თურნავას  შეფასებით ეს არის „საუკუნის ამბიციური პროექტი“.

„ამბასადორი ბათუმი“ ბულვარში სასტუმრო კომპლექსს აშენებს. მშენებლობის პროცესში კომპანიამ სანებართვო პირობები არაერთხელ დაარღვია, მათ შორის, ბოლო დარღვევა ერთი კვირის წინ დადასტურდა. კომპანიამ დამატებით, უკანონო მე-17 სართული ააშენა.

კომპანია „ამბასადორი ბათუმი“ რუსეთის ორ მოქალაქეს, მილიონერ ბიზნესმენს ელგუჯა ქებურიას [მას ორმაგი მოქალაქეობა აქვს] და ვართან ვართანოვს ეკუთვნის.

 

ნეტგაზეთის მასალების სხვა გამოცემებში გადაბეჭდვის წესი
ავტორი