Batumelebi | რა ფილმებს ნახავთ დღეს ბათუმის კინოფესტივალზე | აფიშა რა ფილმებს ნახავთ დღეს ბათუმის კინოფესტივალზე | აფიშა – Batumelebi
RU | GE  

რა ფილმებს ნახავთ დღეს ბათუმის კინოფესტივალზე | აფიშა

ბათუმში საავტორო კინოს საერთაშორისო ფესტივალი მიმდინარეობს. ფილმების ნახვა კინოთეატრ „აპოლოში“ და საღამოს ევროპის მოედანზეა შესაძლებელი.

გთავაზობთ აფიშას, რა ფილმების ნახვა შეგიძლიათ დღეს, 21 სექტემბერს, ბათუმის კინოფესტივალზე.

  • 12.00 საათზე – „ორმო“, ანდრეი გრიაზევი, რუსეთი, 2020, 71 წთ
  • 13.30 საათზე –  მოკლემეტრაჟიანი ფილმები: აპარატი, ჰასან ნაჯმაბადი, ირანი, 2021, 15 წთ.; ორფეროვანი, სარაჯუდინ ბაიათი, ავღანეთი, 2021, 10 წთ.;  დევეკი, ურია ჰერცი, ისრაელი, 2021, 15 წთ.; მარტოსული ლილი, ზუ ჯინგი, ჩინეთი, 2021, 22 წთ.;   მოსაწვევი, იანგ თანგი, ჰაო ჯაო, ჩინეთი, 2021, 13 წთ.;   ორმო, მარია ჩერნი, საქართველო, 2021, 15 წთ.; ბრანკა, აკოს კოვაჩიზი, უნგრეთი, 2021, 20 წთ’. სახლში დაბრუნება, რაფი მოვსესიანი, სომხეთი, 2021, 18 წთ.
  • 16.00 საათზე – „ჰასანის ვალდებულება“, სემიჰ კაპლანოღლუ, თურქეთი, 2021, 147 წთ.
  • 18.45 საათზე – „მდუმარე“, პასკალ რაბატე , საფრანგეთი, 2020, 85 წთ.
  • 20.30 საათზე – „ჩვენ აქ ვართ, ახლოს“, რომან ბალაიანი, უკრაინა, 2020, 90 წთ. 22.30
  • 22.30 საათზე– „მეხსიერება“, აპიჩატოპონგ ვერასეტაკულე, კოლუმბია/ტაილანდი/დიდი ბრიტანეთი/ საფრანგეთი, 2021, 136 წთ.

კინოჩვენება გაიმართება ევროპის მოედანზეც, ღია სივრცეში, სადაც დასწრება თავისუფალია.

  • 20.00 საათზე – „MSHT-15 ბედნიერების ანგელოზი“, ვახტანგ კუნცევ გაბაშვილი, საქართველო, 2021, 70 წთ.
  • 21.30 საათზე –  შავი მზე, მარი ლარივე, საფრანგეთი, 2021, 20 წთ. მიწაში, კასპერ კელდსენი, დანია, 2021, 14 წთ.  როგორც მიკონოში , ალესანდრო პორციო, იტალია, 2021, 15 წთ.; სიყვარული, მიხალ ციხომსკი, პოლონეთ, 2020 27 წთ.; ჩრდილოეთ პოლუსი, მარია აპჩევსკა, მაკედონია/სერბეთი, 2021; 15 წთ.

კორონავირუსის პანდემიის გამო ფესტივალი წელს განსხვავებული ფორმატით, რეკომენდაციების დაცვით ტარდება.

კერძოდ, კინოსეანსებზე დასწრება შესაძლებელია პირბადით, მათთვის, ვინც აცრილია კოვიდზე, ან უახლოეს პერიოდში აქვს გადატანილი კორონავირუსი, ან წარმოადგენს PCR ტესტის უარყოფით პასუხს.

კინოფესტივალის მენეჯმენტის განცხადებით, აღნიშნულიდან ერთ-ერთი დოკუმენტი უნდა წარმოადგინოთ კინოსეანსზე შესვლის წინ (ნაბეჭდი ან ელექტრონული ფორმით მობილურ ტელეფონში), წინააღმდეგ შემთხვევაში კინოსეანსზე დასწრებას ვერ შეძლებთ და არც შეძენილი ბილეთი დაბრუნდება უკან.

წელს ფესტივალის სეანსების გარკვეული ნაწილი ფასიანია.უფასო/თავისუფალი დასწრება შესაძლებელია ევროპის მოედანზე, ღია ჩვენებების დროს და, ასევე, კინოთეატრ „აპოლოში“ საფესტივალო დღეებში, პირველ ორ სეანსზე. „აპოლოში“ ნაშუადღევს ოთხ საათიდან გაიყიდება ბილეთები, რაც, ფესტივალის განცხადებით, „აპოლოს“ ონლაინსისტემის გამოყენების ღირებულებაა. ბილეთის ფასია 3 ლარი თითო კინოსეანსზე.

ბილეთის შეძენა შესაძლებელია შემდეგ ბმულზე. 

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.