Batumelebi | ავსტრიის ჯანდაცვის მინისტრი ქუჩაში სიგარეტის გადაგდებაში გამოიჭირეს და 1000 ევროთი დააჯარიმეს  ავსტრიის ჯანდაცვის მინისტრი ქუჩაში სიგარეტის გადაგდებაში გამოიჭირეს და 1000 ევროთი დააჯარიმეს  – Batumelebi
ნეტგაზეთი • RU

ავსტრიის ჯანდაცვის მინისტრი ქუჩაში სიგარეტის გადაგდებაში გამოიჭირეს და 1000 ევროთი დააჯარიმეს 

ავსტრიის ჯანდაცვის მინისტრი ვოლფგანგ მუკშტაინი, რომელიც ამავე დროს მწვანეთა პარტიას წარმოადგენს, ვენაში ცეცხლმოკიდებული სიგარეტის გადაგდების დროს გამოიჭირეს. მინისტრი სქროლით მიდიოდა, როდესაც სიგარეტის ნამწვი მოისროლა ქუჩაში. ეს შენიშნა ახალგაზრდა ვენელმა და ლაივში მოჰყვა, რაც დაინახა. ვოლფგანგ მუკშტაინი იძულებული გახდა ეღიარებინა, რომ ახალგაზრდა არ იტყუება.

მინისტრს ავსტრიის კანონმდებლობის მიხედვით, 1000 ევროს გადახდა მოუწევს. ამის შესახებ ავსტრიული მედია იუწყება.

ჯანდაცვის მინისტრმა უკვე მოინანია თავისი საქციელი.

„რასაკვირველია, სიგარეტის ნამწვი ყოველთვის სათანადოდ უნდა განადგურდეს. ვწუხვარ, რომ ეს არ გავაკეთე ორშაბათს. სხვათა შორის, პირველ რიგში, უმჯობესია არ დაიწყოთ მოწევა – ასე დაიცავთ გარემოს და საკუთარ ჯანმრთელობას“, – თქვა მინისტრმა.

ახალგაზრდა კაცი, რომელმაც შენიშნა, რომ მინისტრმა სქროლით ჩაიქროლა და ანთებული სიგარეტი ქუჩაში მოისროლა. მინისტრი იძულებული გახდა, ბოდიში მოეხადა

ვოლფგანგ მუკშტაინის თქმით, ის ასევე თანხას შესწირავს კიბოს წინააღმდეგ მებრძოლ ორგანიზაციას და იყიდის ჯიბის საფერფლესაც.

ამ ისტორიის განხილვისას მედია ასევე წერს, რომ მწვანეები, როგორც წესი, გარემოს დაცვის თვალსაზრისით მკაცრები მხოლოდ სხვების მიმართ არიან.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან