პრემიერ-მინისტრ ირაკლი ღარიბაშვილის განცხადებით, პანდემიიდან გამომდინარე შეზღუდვებს მთავრობა არ განიხილავს. ამის შესახებ მან დღეს, 26 ივლისს, მთავრობის სხდომაზე განაცხადა.
„ჩვენ ავირჩიეთ მართვის გზა. ყველაფერი უნდა გავაკეთოთ, რომ ვმართოთ პანდემია. ჩვენი ქვეყანა ვეღარ გაუძლებს ახალ ჩაკეტვებს. არც ლოქდაუნი, არც შეზღუდვები არ იქნება გამართლებული. ეს იქნება პირდაპირ დამაზიანებელი ჩვენი ქვეყნისთვის.
ეს ნიშნავს, რომ დამატებით უნდა ავიღოთ რამდენიმე მილიარდი დოლარი თუ ლარი ვალის სახით, რაც გახდება ჩვენი მოქალაქეების გადასახდელი. ეს რომ არ განმეორდეს, ამიტომ უნდა ჩავიტაროთ ვაქცინაცია, რომელიც არის უსაფრთხო“, – ამბობს ღარიბაშვილი.
მისი თქმით, მნიშვნელოვანია, რომ ყველა სოფელში ჩაიტანონ ვაქცინა, რადგან მოსახლეობას საშუალება ჰქონდეს ადგილზე ჩაიტარონ ვაქცინაცია.
____________________________________
ამავე თემაზე:
უნდა დავუჯეროთ მეცნიერებს და არა ფეისბუკჭორებს – ღარიბაშვილი ვაქცინაციაზე
