Batumelebi | კონფერენციაზე დასწრება PCR ან სწრაფი ტესტის საფუძველზეც შეგიძლიათ – ახალი წესი კონფერენციაზე დასწრება PCR ან სწრაფი ტესტის საფუძველზეც შეგიძლიათ – ახალი წესი – Batumelebi
RU | GE  

კონფერენციაზე დასწრება PCR ან სწრაფი ტესტის საფუძველზეც შეგიძლიათ – ახალი წესი

საქართველოს მთავრობის ახალი გადაწყვეტილებით, „ნებისმიერი ტიპის ტრენინგზე, კონფერენციასა და სემინარზე მონაწილეთა დასწრება დასაშვებია მხოლოდ 72 საათით ადრე PCR ტესტის ან 24 საათით ადრე სწრაფი ანტიგენის ტესტით ტესტირების საფუძველზე.“.

ეს წესი ძალაში 2021 წლის 19 ივლისიდან შედის.

მთავრობის ერთიან ცხელ ხაზზე [144] „ბათუმელებს“ დაუდასტურეს, რომ კონფერენციაზე დასწრება მონაწილეს შეუძლია სწრაფი ანტიგენის ტესტის უარყოფითი პასუხითაც, ოღონდ ტესტირება ბოლო 24 საათში უნდა იყოს ჩატარებული.

„თუ ასეთი სწრაფი ტესტის პასუხი მონაწილეს აქვს, მას თავისუფლად შეუძლია დაესწროს კონფერენციას და PCR ტესტის ჩატარების ვალდებულება არ აქვს“ – გვითხრეს 144-ზე.

შესაბამისი გადაწყვეტილება მთავრობამ გუშინ, 17 ივლისს მიიღო, რითაც ცვლილება წინა, 15 ივლისს მიღებულ დადგენილებაში შეიტანა.

წინა დადგენილებით კი, ნებისმიერი ტიპის ტრენინგზე, კონფერენციასა და სემინარზე მონაწილეთა დასწრება დასაშვები მხოლოდ წინასწარი PCR ტესტირების საფუძველზე იყო.

ამასთან, ნებისმიერი ტიპის ტრენინგის, კონფერენციისა და სემინარის ჩატარება დასაშვებია მხოლოდ „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ჯანდაცვის მინისტრის ბრძანების შესაბამისად.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com