ბათუმი,მთავარი,სიახლეები

ბანაკები იკრძალება, სემინარებზე კი მონაწილეთა წინასწარი PCR ტესტირებაა აუცილებელი

16.07.2021 • 1122
ბანაკები იკრძალება, სემინარებზე კი მონაწილეთა წინასწარი PCR ტესტირებაა აუცილებელი

საქართველოს მთავრობის გადაწყვეტილებით, 2021 წლის 19 ივლისიდან იკრძალება ბანაკის ტიპის შეკრებები, მათი ორგანიზაციული ფორმისა და ჩატარების ადგილის მიუხედავად.

„18 წლამდე ასაკის მოზარდების სპორტული ტურნირებისა და სასწავლო-საწვრთნელი შეკრებების ჩატარება კი, დასაშვებია მხოლოდ ყველა მონაწილის წინასწარი PCR ტესტირების საფუძველზე.“

შესაბამისი ცვლილება მთავრობამ „იზოლაციისა და კარანტინის წესებში“ შეიტანა.

ამ წესებს დაემატა ასევე ახალი მუხლი, რომლის მიხედვითაც ტრენინგზე, კონფერენციასა თუ სემინარზე მონაწილეთა დასწრება დასაშვებია ასევე მხოლოდ წინასწარი PCR ტესტირების საფუძველზე.

ამასთან, ასეთი ღონისძიებების ჩატარება დასაშვებია მხოლოდ „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ჯანდაცვის მინისტრის ბრძანების შესაბამისად.

ამავე თემაზე:

მთავრობა გასართობი ღონისძიებების შეზღუდვას განიხილავს

გადაბეჭდვის წესი


ასევე: