უკრაინული მედიის ცნობით, უკრაინის დაზვერვის მთავარი სამმართველოს ხელმძღვანელმა კირილო ბუდანოვმა დაადასტურა, რომ დაახლოებით 11 ათასი ჩრდილოეთ კორეელი ქვეითი ჯარისკაცი ამჟამად წვრთნას გადის აღმოსავლეთ რუსეთში და ისინი მზად იქნებიან, ჩაერთონ უკრაინის წინააღმდეგ საომარ მოქმედებებში პირველ ნოემბერს.
ბუდანოვის თქმით, პირველი დანაყოფს, 2600 ჯარისკაცს კურსკის რეგიონში გააგზავნიან. ჯერჯერობით არ არსებობს ინფორმაცია ჩრდილოეთ კორეელი ჯარისკაცების გადაადგილების შემდგომი გეგმების შესახებ.
„ამჟამად სრული სურათი არ გვაქვს“, – თქვა ბუდანოვმა.
სამხრეთ კორეის თავდაცვის სამინისტრომ 8 ოქტომბერს განაცხადა, რომ ჩრდილოეთ კორეა, სავარაუდოდ, რუსეთის მხარდასაჭერად უკრაინაში გაგზავნის თავის რეგულარულ შეიარაღებულ ძალებს.
12 ოქტომბერს ომის კვლევის ამერიკულმა ინსტიტუტმა გაავრცელა ინფორმაცია, რომ რამდენიმე ათასი ჩრდილოეთ კორეელი ჯარისკაცი გადიოდა წვრთნას რუსეთის ფედერაციაში უკრაინაში გადასაყვანად.
14 ოქტომბერს უკრაინის პრეზიდენტმა, ვოლოდიმირ ზელენსკიმ განაცხადა ჩრდილოეთ კორეის ომში ფაქტობრივად ჩართვის შესახებ, რამდენიმე დღის შემდეგ კი განაცხადა, რომ რომ რუსეთი უკრაინის წინააღმდეგ ომში ჩრდილოეთ კორეიდან დაახლოებით 10 ათასი ჯარისკაცის მოზიდვას აპირებს.
____________
ფოტოზე: კირილო ბუდანოვი
ამავე თემაზე:
რუსეთში ჩრდილოეთ კორეელებისგან ბატალიონი შექმნეს, 18 ჯარისკაცი უკვე გაიქცა – მედია
