Batumelebi | 9,7 მილიონი ლარი ჩაქვში ძაღლების თავშესაფარისა და იპოდრომის მოსაწყობად 9,7 მილიონი ლარი ჩაქვში ძაღლების თავშესაფარისა და იპოდრომის მოსაწყობად – Batumelebi
ნეტგაზეთი • RU

9,7 მილიონი ლარი ჩაქვში ძაღლების თავშესაფარისა და იპოდრომის მოსაწყობად

9 723 999 ლარია გათვალისწინებული ბათუმის ბიუჯეტიდან ჩაქვის დასახლებაში მიუსაფარი ძაღლების თავშესაფრის, იპოდრომისა და სხვადასხვა სახელმწიფო კომპანიის ოფისების ასაშენებლად. აქვე მოეწყობა სარეკრეაციო სივრცეც. მთლიანი ტერიტორიის ფართობი 12 000 კვადრატული მეტრია.

მრავალფუნქციური ინფრასტრუქტურის მოწყობაზე, შენობების დეტალური პროექტის მომზადებასა და მის საფუძველზე სამშენებლო სამუშაოების სახელმწიფო შესყიდვაზე საქალაქო ინფრასტრუქტურისა და კეთილმოწყობის სამმართველომ ტენდერი უკვე გამოაცხადა. სამუშაოები, მშენებლობის ჩათვლით, 2024 წლის 21 დეკემბრამდე უნდა დასრულდეს.

ტენდერში წინადადებების მიღება 2021 წლის 31 ივლისს დაიწყება და 5 აგვისტოს დასრულდება.

ტენდერის მიხედვით, ჩაქვის დასახლებაში მოეწყობა:

  • ა(ა)იპ „ბათუმის საცხენოსნო კლუბისთვის“ – იპოდრომი
  •  ტერიტორია მიუსაფარი ძაღლების თავშესაფარისთვის
  • შპს „სანდასუფთავებისთვის“, შპს „აჭარის ნარჩენების მართვის კომპანიისთვის“, ა(ა)იპ „ბათუმის გამწვანებისა და ლანდშაფტური დაგეგმარების სამსახურისთვის“ და „აჭარის წყლის ალიანსისთვის“ ადმინისტრაციული შენობები და სასაწყობე ტერიტორიები
  • დარჩენილ ტერიტორიაზე განთავსდება რეკრეაციული ზონა

ჩაქვში, ძაღლების თავშესაფრისა და მრავალფუნქციური სარეკრეაციო სივრცის მოწყობა მთავრობამ 2020 წლის 27 ოქტომბერს დააანონსა:

ძაღლების თავშესაფარი/ესკიზი

ძაღლების თავშესაფარი/ესკიზი

ძაღლების თავშესაფარი/ესკიზი

იპოდრომი/ესკიზი

იპოდრომი/ესკიზი

საქალაქო ინფრასტრუქტურისა და კეთილმოწყობის სამმართველოში „ბათუმელებს“ უთხრეს, რომ ესკიზები სამმართველოს შესაბამისმა სამსახურმა შეიმუშავა.

ამავე თემაზე:

ძაღლების ჯოჯოხეთი ბათუმის ნაგავსაყრელზე | ფოტო

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com