ძალადობრივ აქციაზე ნაცემი ტელეკომპანია „პირველის“ ოპერატორის, ლექსო ლაშქარავას გარდაცვალებასთან დაკავშირებით, დღეს, 11 ივლისს, ბათუმში მედია-ოპერატორებმა მდუმარე აქცია გამართეს.
„მთელი ქვეყნის ტრაგედიაა ეს. არანაირი მნიშვნელობა არ აქვს რა დასკვნას დადებს ექსპერტიზა. მიმაჩნია რომ მთელმა ქვეყანამ, საზოგადოებამ ბოდიში უნდა მოუხადოს ლექსოს ოჯახს. ძალიან მიმძიმს, რომ არა ის დიდი შეცდომა, რაც საზოგადოებამ დაუშვა რამდენიმე დღის წინ – ეს ბიჭი ცოცხალი იქნებოდა“ – განაცხადა აქციაზე ოპერატორმა ალეკო აბაშიძემ.
ოპერატორების მდუმარე აქცია ბათუმში / 111.ო7.2021
დღეს, 18:00 საათზე მედიისა და სამოქალაქო საზოგადოების წარმომადგენლების მონაწილეობით საპროტესტო აქცია აჭარის მთავრობის სახლთანაც გაიმართება. აქციის ორგანიზატორების თქმით, მთავარი მოთხოვნაა – დროული გამოძიება და მოძალადეების უმკაცრესად დასჯა.
ალექსანდრე ლაშქარავას 5 ივლისს, თბილისში, ფიზიკურად გაუსწორდნენ მოძრაობა “სირცხვილიას” ოფისში შეჭრილი ძალადობრივი ჯგუფების წარმომადგენლები.
ტვ „პირველის“ ოპერატორი 11 ივლისს საკუთარ სახლში გარდაცვლილი იპოვეს.
გარდაიცვალა ძალადობრივ აქციაზე ნაცემი ოპერატორი ალექსანდრე ლაშქარავა
