Batumelebi | ეროვნული ბანკი აპირებს, საკოლექციო ხუთლარიანი მონეტები 95 ლარად გაყიდოს ეროვნული ბანკი აპირებს, საკოლექციო ხუთლარიანი მონეტები 95 ლარად გაყიდოს – Batumelebi
RU | GE  

ეროვნული ბანკი აპირებს, საკოლექციო ხუთლარიანი მონეტები 95 ლარად გაყიდოს

დღეიდან ეროვნული ბანკი საკოლექციო მონეტების გაყიდვას იწყებს. ხუთლარიანი მონეტა საქართველოს კონსტიტუციის 100 წლისთავის აღსანიშნავად გამოსცეს მხოლოდ 1500 ცალი და თითო მონეტა 95 ლარად გაიყიდება.

დღეს, 6 ივლისს, საკონსტიტუციო სასამართლოში საკოლექციო მონეტები ეროვნული ბანკის პრეზიდენტმა, კობა გვენეტაძემ წარმოადგინა.

საკოლექციო მონეტის დიზაინის ესკიზი ღია კონკურსით შეირჩა. მონეტის მთავარი კომპოზიცია ურთიერთგადაჯაჭვული ასოებია – „სდრ“. ეს წარმოადგენს 1921 წელს ქვეყნის სრული დასახელების – საქართველოს დემოკრატიული რესპუბლიკა – ინიციალების ერთობლიობას. მონეტის მეორე მხარეს კი საქართველოს პირველი კონსტიტუციის სხვადასხვა მუხლიდან ამოღებული მნიშვნელოვანი სიტყვები დაგხვდებათ: „თანასწორი“, „თავისუფალი“, „კანონი, “მოქალაქე“ და სხვა.

ნეტგაზეთის მასალების სხვა გამოცემებში გადაბეჭდვის წესი
ავტორი